ADVERTISEMENT

Asidente iha Remexio, Vítima Beresimo Mate Tanba Rai Namdoras

Mateus da Cruz - Aileu · Munisípiu
  • Share
Vítima Beresimu Soares Mendonsa, Imajen Esp

(Reportajen Korespondente Manufahi, Luis Casimiro/Editor Mateus da Cruz)

AILEU—Asidente iha Aldeia Lerolisa, Suku Açu–Mau, Postu Remexio,  Munisípiu Aileu, Sabadu ne’e, maizumenus oras  tuku ida meiudia, rezulta vítima Beresimu Soares Mendonsa, labele salva vida hafoin motor Bebek Revo ho xapa matríkula J.0621 TLS, ne’ebé nia kondús monu no vítima tama liu ba valeta laran.

ADVERTISEMENT
SCROLL FILA BA NOTISIA

Komandante Polísia eskuadra Remexio, Inspetór Xefe Polísia, Helio de Deus, haktuir, motivu hosi asidente hodi rezulta vítima mate tanba rai namdoras.

Lee Mós:
Oho Mate Fen Tanba Bandu Sosa SDSB, MP Alega Prizaun Tinan 30

Nia hatete, matebian hosi Dili tula sasán hanesan Rice Cooker rua, biti tolu kesi iha motor kotuk no sasán rahun balun tau iha motor oin atu hodi ba fa’an iha Remexio no vítima mos halai besik rai ninin nune’e rai namdoras namdoras rezulta matebian monu tun ba valeta kuak no mate fatin.

“Ami identifika mate ho kondisaun normál la lanu no impaktu hosi kondisaun estrada rai namdoras hodi rezulta matebian monu, vitima rasik labele salva vida tanba monu husi estrada tun ba mota kuak kuaze metru lima (5) nune’e  ulun hetan pankada maka’as ba fatuk hodi mate fatin, “nia dehan ba Timor Post, Via Telefone.

Lee Mós:
Projetu Konstrusaun Sidade Universidade Aileu Nafatin Avansa

Nia dehan, Polísia eskuadra rasik hetan informasaun hosi komunidade sira ne’ebé hela besik katak iha hetan joven ida maka mate iha valeta kuak, nune’e polisia tun kedas ba fatin akontesimentu hodi identifika.

Oras ne’e daudaun mate isin lori ona ba Hospital Nasionál Guido Valadares (HNGV) Dili, hodi tau ba kaixaun hafoin entrega ba família hodi ba halo halot iha vítima nia moris fatin Suku Manetu, Postu Administrativu Maubisse, Munisípiu Ainaro.

Lee Mós:
Rai Monu Iha Merbuti Halo Kanu Bee Liga ba Same Villa Kotu

Sikun seluk, sasin Elidio Fernandes hosi Aldeia Lerolisa, Suku Açu-Mau, Postu Administrativu Remexio, Munisípiu Aileu, haktuir matebian monu estudante sira mak hetan.

“Hafoin estudante sira sai eskola hetan matebian monu nune’e fó hatene ba komunidade hodi foti sai matebian hosi valeta kuak”nia aprezenta.

 108 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Asidente iha Remexio, Vítima Beresimo Mate Tanb…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: