(Reportajen Jaime Pires/ Editor Mateus da Cruz)
Dili (Timor Post)- Prezidente Komisaun Reguladór Artemarsiais (KRAM), Octavianos da Conceição, informa, tama ba fulan Marsu, hafoin kongresu nasionál PSHT nian, KRAM sei fó kalendáriu ba artemarsiais Persaudaraan Setia Hati Terate (PSHT), hodi bele hahú hikas sira nia atividade terrenu iha Timor laran.
“iha Fulan Marsu depois sira halo kongresu nasionál ba dahuluk hodi reativa sira nia organizasaun, KRAM sei fó sai sira nia loron bainhira mak sira bele hala’o fila fali sira nia atividade hanesan treinu iha Timor-Leste laran tomak, ami sei hatete iha komisaun segunda diretiva ba autorizasaun ba prátika treinamentu sira nian,” nia dehan iha Edifísiu CNE, Kolmera, segunda (21/02).
Nia hatete, KRAM fó autorizasaun ida ne’e tanba Artemarsiais Persaudaraan Setia Hati Terate (PSHT) rejistu ona no públika ona iha jornál da repúblika nune’e sira bele hala’o ona sira nian atividade treinu iha Timor laran.
“Sira rejistu legal ona no sira nia naran mós públika ona iha jornál da repúblika, tanba ne’e sira bele halo ona sira nian atividade,” nia hakotu. (Lee notísia seluk iha jornál Timor Post/asesu YouTube Timor Post)
599 total views, 6 views today
Bele hare Video Seluk :