ADVERTISEMENT

Regra foun ba Funsionáriu Públiku Sira iha RAEOA

Timor Post - Raeoa
  • Share

Timor Post (28/09/2020)- Atu ekonómika iha rejiaun espesiál Oekusi rekupera obriga funsionáriu sira tenke uza uniforme tais iha  segunda no kuarta kada semana. Informasaun ne’e hato’o direta hosi Adjunta Prezidente (RAEOA), Leonia Monteiro ba jornalista sira iha Ministériu Finansas, Ai tarak Laran, Segunda (28/09).

“Ami nia programa atu halo rekuperasaun ekonómika  agora daudaun servisu hamutuk ho ministériu administrasaun estatál halo levantamentu fixa família ba komunidade sira no mós koordenasaun ho ministériu asuntu ekonómika atu halo levantamentu ba komersiante sira ne’ebé mak iha Oekusi oinsá mak atu halo rekuperasaun ekonómika, tanba ne’e mak ami halo akordu ho ministériu komérsiu no indústria oinsá mak atu uza tais, tanba ne’e mak iha Oekusi ami halo tia ona regra ida ba funsionáriu públiku sira hotu inklui autoridade atu uza tais segunda feira ho kuarta feira ne’e própria hotu-hotu tenke hatais tais” dehan Adjunta Prezidente (RAEOA), Leonia Monteiro ba jornalista sira iha Ministériu Finansas, Aitarak Laran, segunda (28/

Sekretaria ne’e reforsa  ne’e obrigatória tenke hatais tanba komunidade sira maioria soru tais, automátika  sosa sira nia tais atu hatais ba servisu fatin hodi apoiu rekuperasaun ba ekonomia.

“Funsionáriu públiku no autoridade inklui bainaka sira, hanesan jornalista sira mak atu halo entrevista ami iha Oekusi hanesan segunda feira ka kuarta feira tenke uza tais mak ba entrevista selae labele ida ne’e regras ida”, tenik Leónia.(Jornalista: Jaime Pires)

 635 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Regra foun ba Funsionáriu Públiku Sira iha RAEOA” A few seconds ago

Lee Mós :
COVID-19: Movimentu Ilegal iha Fronteira, PM Taur Taur bolu Urjente Brigadeiru Aluc

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No