DILI-Inan feto ida ho naran kompletu Teresa Suni hosi aldeia Tumin, suku Bobometo, sub-rejiaun Oesilo, Rejiaun Administrativa Espesiál Oe-cusse Ambeno (RAEOA) la salva vida hafoin tenta atu hakat liu Mota Noel Ekat.
Akontesimentu ne’e akontese iha loron Kinta (02/03) dadeer tuku 10 resin, bainhira Inan Feto Teresa Suni sai hosi uma Tumin atu ba Oekusi Vila mak ba to’o mota Noel Ekat nia koko ultrapasa mak mota lori no komunidade sira ne’ebé hela besik mota ne’e konsege salva vítima hosi mota laran, maibé Inan Feto ne’e la salva vida ona.
Tuir informasaun ne’ebé Timor Post rekolla katak, inan feto ne’e hosi aldeia Tumin atu ba Oekusi Vila ho objetivu atu fó osan para utiliza ba nesesidade loron-loron nian.
Osan ne’ebé matebian Teresa Suni atu ba foti iha Oekusi Vila ne’e ninia oan Mane boot nian ne’ebé mak hetan oho hosi Besi Merah-Putih iha tinan 1999.
Hosi dezastre ne’e ambulánsia hosi Klínika Oesilo konsege ba tula Inan feto Teresa Suni iha mota Noel Ekat hodi bomba sai bee iha vítima ninia isin lolon, maibé la konsege salva vítima nia vida.
Relasiona ho akontesimentu ne’e Timor Post tenta atu halo konfirmasaun ho autoridade lokál Bobometo, sub-rejiaun Oesilo, maibe seidauk fó komentáriu ruma kona-ba dezastre refere.
2,501 total views, 3 views today
Bele hare Video Seluk :