ADVERTISEMENT

Profesór Na’in-116 Kontinua Ezije Osan Retroativu Ba SRESS Oe-kuse

Mario da Costa - Raeoa
Jornalista : Mariano Abi
Editor : Mário da Costa
  • Share
Profesór sira halo Konferénsia Imprensa, hodi ezije direitu retroativu, Imajen Esp.

DILI (Timor Post) — Profesór na’in-116 iha Rejiaun Administrativu Espesiál Oe-kusi Ambenu (RAEOA), kontinua husu nafatin Osan Retroativu (OR) ba Sekretáriu Rejionál Edukasaun no Solidariedade Sosiál (SRESS) atu solusiona lalais. Enkuantu aumenta mós ho 82 profesór sira-nia problema seidauk rezolve hanesan ba retroativu.

Profesór hirak ne’e mai husi nivel ensinu sira hotu, kompostu husi Ensinu Pre-eskolár, Ensinu Bázika, Ensinu Sekundária Jerál no Ensinu Sekundária Tekníku Vokasionál.

ADVERTISEMENT
SCROLL FILA BA NOTISIA


Tuir Portavós Sendikatu Profesóres RAEOA, Vincencio Cono, afirma Autoridade RAEOA ZEESMTL liuliu halakon tiha estrutura Gabinete apoiu tekníku iha nivel ensinu hotu-hotu hahú iha tinan 2016 to’o ohin loron.

Relasiona ho problema ne’ebé iha Oe-kuse ne’e, liuliu ba Diresaun Edukasaun nian ka Sekretáriu Rejionál Edukasaun nia problema ne’e, 2015 to’o ohin loron ne’e, problema boot liu maka progresaun eskalaun, bazea ba avaliansaun dezempeñu nunka mais iha solusaun, solusaun uitoan de’it, dala-ruma selu balu no dala-ruma balu la selu.

“Hirak ne’ebe hakerek iha esteitmentu ne’e, seidauk solusiona hahú 2016-2022, maibé problema ba Profesór na’in-116 ne’e problema boot liu maka responsabilidade Mimistériu Edukasaun ho Autoridade RAEOA, maibé autoridade nia responsabilidade ne’e laiha liu, fulan oin hatete tan fulan oin,” Portavoz Sendikatu Profesóres RAEOA, Vincencio informa ba Timor Post Online via telemovel, iha Domingu (04/09).

Lee Mós :
Hafoin Xanana, Labarik ho Inan Faluk sira iha Topu Honis Selebra Aniversáriu Eis Padre Richard, “Iha Konspirasaun”

Portavoz ne’e hatutan, tuir mai ema sira iha 12 Munisípiu ne’e konta tiha ona katak, sira ne’e nia subsídiu áreas remotas, muito remotas no exetremamente remotas ho 40% kada distánsia, ne’e haree ba profesór ne’ebé hala’o serbisu iha parte ne’ebá.

Husi ne’e, Timor Post Online asesu komunikadu husi Sendikatu Profesóres RAEOA nian katak, problema edukasaun ne’ebé akontese no afeta ba profesór sira inklui estudante sira iha RAEOA ZEESTL, Sendikatu Profesóres RAEOA nota katak, problema boot hahú kedas husi mandatu Marí Alkatiri nia tempu nu’udar Prezidente Autoridade.

Tanba ne’e, Sindikatu Profesores RAEOA hato’o lamentasaun no ezijensia ba Autoridade RAEOA katak, SP lamenta tebes ho atendimentu serbisu administrasaun autoridade ne’ebé sempre desvia ezijensia ba direitu progresaun eskalaun profesór sira atu prosesa ho lalais.

Maski Governu Sentrál aprova Dekreitu Lei Nú.5/2015 loron 22 fulan Janeiru, kona-ba Estatutu RAEOA ne’ebé fó kompetensia ba Autoridade atu jere no mellora atendimentu administrasaun iha RAEOA.

Lee Mós :
BNCTL Loke Tan Ajénsia Rua, Iha Golgota no Sakato

“Karik autoridade kumpre Dekretu mensiona iha leten no mós Dekretu Lei Nú 23/2010 loron 9 fulan Dezembru kona-ba Estatuto da Carreira dos Educadores de Infância e dos Professores do Ensino Básico e Sekundário, atu prosesa progresaun eskalaun no ajusta saláriu profesores iha kada ano fiskál,” sita komunikadu.

Maibé, realidade iha prátika atendimentu administrasaun autoridade RAEOA pior liu fali administrasaun husi Munisípiu 12 seluk, tanba sira-nia atendimentu administrasaun la’o di’ak hela.

“Se ita kompara ho serbisu autoridade Oe-kuse ho estatutu espesiál, maibé nakonu vigansa polítika ba profesores, tanba Sindikatu hato’o ezijénsia dala-barak ona liuhusi karta hahú husi 2021, maibé budu hela de’it iha gaveta gabinete autoridade”, nia hateten.

Sendikatu Profesóres RAEOA lamenta tebes ho servisu SRESS tanba iha loron 11 fulan Janeiri tinan 2022, Sendikatu Profesóres RAEOA halo audiénsia ho Sekretária, Abelina da Costa, promete atu selu iha fulan hirak tuir mai entre Marsu ou Abríl, maibé nafatin la realiza.

Lee Mós :
PR Horta-Governadór NTT Diskute Estratéjiku Iha Fronteira no Parke Industriál Oe-Kuse

No iha loron 28 fulan Abríl tinan 2022 Sekretária Abelina promete fali liuhusi nia deklarasaun iha media lokál Rádio Comunidade Atoni Lifau (RCAL), atu iha tempu badak sei selu retroativu profesores hamutuk 116 profesores, maibé nafatin la kumpre nia deklarasaun ne’e.

Sendikatu Profesóres RAEOA rekomendasaun ba parte rua atu haree problema ne’e iha RAEOA.

“Sendikatu Profesóres RAEOA ezije mós ba Comissão Anti Conupção (CAC), atu halo investigasaun ba serbisu administrasaun autoridade finansas RAEOA, hodi hatene loloos sá obstákulu mak autoridade la halo pagamentu retroativu professores. Sindikatu Profesores ezije mós ba Komisaun Funsaun Públika (KFP) atu halo akompañamentu direta labele envia de’it karta, ho nune’e autoridade tenke halo lalais pagamentu retroativu,” sita komunikadu.

Kuandu autoridade RAEOA-ZEESMTL ho sentimentu antipátia no lakohi halo pagamentu tuir tempu ne’ebé ami determina, Sindikatu sei halo asaun pasifika hasoru autoridade RAEOA-ZEESMTL.

 2,366 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Profesór Na’in-116 Kontinua Ezije Osan Re…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No