(Reportajen Estaziadu Mariano Abi/Asistente Editor Hermenegildo da Costa Tilman)
RAEOA (Timor Post)—Tanba Ró Berlin agora daudaun halo hela manutensaun iha Indonézia inklui folin ticket ne’ebé karun fó impaktu ba estudante sira ne’ebé momentu ba tuir eleisaun prezidente repúblika iha ida-idak nia Suku difisil atu fila fali mai Dili hodi kontinua sira nia estudu.
Agustinho Taena, nu’udar estudante iha Universidade da Paz, preokupa ho problema ne’e, tanba nia labele tuir prosesu aprendizajen ne’ebé agora la’o daudaun ona iha eskola.
“Ha’u sente triste, tanba abandona duni ami nia prosesu estudu, lakon ami nia materia, lista prezensa, ho nune’e mós, balu agora tuir hela ezame. Ho situasaun ida ne’e, ami pasiénsia hein, maske bileti folin hanesan ne’e, nafatin dudu malu hodi sosa, tanba de’it eskola,” nia hato’o ho laran triste ba Jornalista Timor Post online iha Portaun Boot Portu Kitahara Mahata, Sesta (29/04).
Tuir observasaun Timor Post Online, nota katak oras ne’e daudaun pasajeiru barak maioria estudante, ne’ebé mak foin lalais ne’e kumpre sira nia devér hodi ba tuir eleisaun segundu volta iha Oekusi sira hadau malu ticket atu fila mai Dili.
Pasajeiru sira tenke hadau malu tikete hodi fila ma Dili tanba Ró Fery “Kapal Cepat”, ne’ebé atu tula pasajeiru sira so bele tula ema na’in 250.
Pasajeiru sira ne’e mai husi fatin ne’ebé mak lahanesan, sira tenke sai dadeer hodi hadau malu atu bele hetan ticket ne’e, balu mai tuku 7.00 dadeer Oras Timor Leste, balu tuku 10.00 dadeer, maibé iha pasajeiru balun to’o agora fila fali ba uma tanba ticket ró la sufisiente. (Lee Notísia Seluk Iha Jornál Timor Post/Asesu You Tube Timor Post)
1,276 total views, 3 views today
Bele hare Video Seluk :