DILI (Timor Post)—Tuir Informasaun ne’ebé Timor Post asesu hosi ofisial Polisia Investigasaun Kriminál Nasionál, dehan Kazu ne’ebé envolve suspeitu Agostinho Caet, sei iha prosesu investigasaun.
“Prosesu ne’e tama ona iha nasionál, maibé sei iha prosesu ida investigasaun nia laran, tanba ne’e seidauk bele fo sai ba públiku, “dehan fontes Ofisial ne’e ba Timor Post, Kinta (19/08).
Nia konfirma katak los duni suspeitu transporta hosi Oekusi mai iha nasionál, ba kazu Topo Honis nian.
Entretantu liga ho prosesu ne’e, iha informasaun antes ba kazu Topo Honis parte Tribunal Distritál Oekusi (TDO) sei suspende audiénsia julgamentu ba iha fulan Setembru hodi rona Sasin sira nia deklarasaun.
Informasaun ne’e relata hosi Advogadu Miguel Faria, ba Timor Post iha TDD, Kinta (05/08).
“Julgamentu ba kazu nee sei suspende ba loron 16 Setembru agora, hodi rona sasin sira nia deklarasaun, “dehan Advogadu Provadu Miguel Faria.
Arguidu nia defeza ne’e, dehan tribunal rona hotu ona deklarasaun hosi arguidu, vítima no sasin balu.
Maibé sei falta sasin kuaze nain 50 hanesan ne’e mak tribunal sei rona sira nia deklarasaun.
Enkuantu, kona bá informasaun detallu, advogadu nee hatete nia sei la halo esplikasaun kona bá prosesu julgamentu, tanba prosesu nee sei taka ba públiku.
“Labele, ita labele kolia detallu kona bá lalauk prosesu, tanba sei iha faze segredu justisa, liu liu tipu kazu sira hanesan ne’e violasaun kontra labarik, “dehan tan.
Entretantu, liga ba kazu ne’e Parte Sosiedade Sivíl, hanesan JSMP nafatin enkoraja parte tribunal no husu atu nafatin iha prinsípiu independente, hodi halo desizaun ida ne’ebé justu no adekuadu.
“Ba prosesu hosi inisia JSMP nia ema mos halo akompañamentu, no observa direita no nia prosesu oras nee sei lao namanas, rona ona vítima sira lubuk ida no mós atu rona sasin sira, ita espera no husu atu tribunal nafatin firme iha prinsípiu independente, no espera iha desizaun ne’ebé adekuadu, “dehan Diretora Ezekutiva JSMP, Ana Paula Marçal ba timor Post iha nia servisu fatin.
Tuir diretora Ezekutiva, katak ba prosesu kronolojia labele fó sai, tanba krime nee taka ba públika, tanba ne’e mak kuandu sei iha fase segredu justisa labele halo intervensaun oin oin.
“Ema hotu iha direitu atu intervene, maibé hanesan ita hatene katak lei bandu atu ita deklara kazu ida ne’ebé nia natureza taka ba publika, “dehan tan.
Tanba ne’e JSMP husu ba sosiedade, atu nafatin tau fiar iha tribunal no parte sira hanesan Ministériu Públiku no defeza, atu foti desizaun sira ne’ebé
adekuadu.
Liga ho prosesu Julgamentu kazu “Topu Honis” primeiru realiza iha 23 Fevereiru 2021 no konsege rona deklarasaun arguidu nian. Depois rona tiha deklarasaun arguidu nian,
ikus kona ba Audiénsia julgamentu prezide hosi Juis koletivu, kompostu hosi Juis Evangelino Bel, Yudi Pamucas, no Juis Carlos Hugu Pui, parte ministériu Públiku reprezenta prokuradór, Matias Soares, no arguidu hetan asisténsia advogadu privadu nain rua. (jxy)
955 total views, 3 views today
Bele hare Video Seluk :
Subscribe to Timorpost
