Vicêncio Cono
DILI—Diretór Ensinu Bázika Central (EBC) Palaban, Rejiaun Admnenistrativu Espesiál Oe-cusse Ambenu (RAEOA), Vicêncio Cono, triste no la satisfás ho menus fasilidade iha eskola ne’e.
Vicêncio haktuir, estudante sira aprende períodu ida tomak maibé to’o ezame hakerek de’it iha kuadru ho númeru rua de’it, inkuantu estudante sira nia osan ne’ebé tau tiha ona iha programa kondisaun eskolár kada fulan estudante ida $1.
“Ba ensinu báziku 0.50 centavos, ba eskola sekundáriu ita la hatene nia paradeiru. Tanba saida iha 2015 ate adata problema materistiku sira ne’e problema antigu nunka iha solusaun”, hatete Vicêncio ba jornalista Timor Post liuhusi telefone, Segunda (02/08).
Diretór ne’e hatutan, atraza ba distribuisaun ka alokasaun ba meterias ba eskola sira iha territóriu RAEOA sente triste tebes, tanba sá? Tanba falta loron rua de’it atu ezame ona mak sekretáriu rejionál asuntu solidariedade sosiál foin mak konvoka reuniaun maibé atraza ona.
Nia afirma, tanba ezame ne’e tenke enkontru semana ida hodi halo preparasaun, maibé iha reuniaun ne’e Sekretáriu rejionál para asuntu solidariedade sosiál aprezenta razaun oi-oin de’it.
“Departamentu ida durante ne’e ami hakarak rekruta tau iha trés, hodi tau ba xefe departamentu relatóriu Merenda Eskolár relatóriu kondisaun eskolár durante ne’e períodu ida selu de’it fulan ida,” nia konta.
Nia haktuir, Merenda eskolár períodu ida sai de’it ba 28 dias, entaun relatóriu ida ne’e dehan artraza, razaun barak-barak katak kondisaun eskolár merenda eskolár tama iha kategoria transferénsia públiku hatete katak ne’e orsamentu jerál estadu nian.
Seraké ida ne’e razoavel, besik ona ezame falta loron rua de’it mak hatete maibé ida ne’e ba eskola hotu Oekusi tanba maioria profesór sira hakerek de’it iha kuadru.
“Iha ha’u nia eskola EBC Palaban durante períodu hotu-hotu hakerek de’it iha kuadru. Signifika estudante bele simu ho kontente maibé profesór sira la satisfás”, nia konta.(mj11)
1,294 total views, 6 views today
Bele hare Video Seluk :