(Reportajen Korrespondente Munisipiu Manufahi, Luis Casimiro Lopes/Editor Mateus da Cruz)
MANUFAHI— Komandante Komandu Polísia Nasionál Timor Leste (PNTL), Distritu Manufahi, superintendente, Joni Viana das Regras, louva no apresia tebes povu Manufahi tanba hatudu ona nia maturidade polítika ne’ebé di’ak durante eleisaun prezidensiál períodu 2022-2027.
“Ha’u apresia no louva ho povu Manufahi tanba hatudu maturidade di’ak hahú husi kampaña eleitorál hosi loron 2 to’o 19 fulan-Marsu ba eleisaun buat hotu la’o iha ambiente hakmatek no seguru,” dehan, Joni liu husi intervensaun, hafoin partisipa iha Semináriu ne’ebé realiza hosi Fundasaun Luta Ba Futuru (F-LBF) iha salaun, Sentru Queshadip Ruak, Same, Kuarta (23/03).
Nia dehan, iha ona informasaun katak, iha loron 2 fulan-Abríl tama fali ba kampaña eleitorál hodi hakat ba eleisaun segundu rounde, nune’e nia husu nafatin ba Povu Manufahi atu mantein nafatin maturidade ne’ebé iha ona hodi kontribui ba pas no estabilidade.
“Ha’u husu ita boot sira manifesta nafatin maduru ne’ebé iha hodi garante paz no estabilidade hakmatek iha rai munisípiu Manufahi,” nia husu. (lcl)
1,251 total views, 3 views today
Bele hare Video Seluk :