MANUFAHI—Mane ida ho naran kompletu Pascoal da Costa Cesário idade 72, hela iha aldeia Datina, suku Holarua, postu administrativu Same villa, munisípiu Manufahi. Durante tinan naruk nia laran moris ho tane liman ba viziñu hodi hetan netik ai-han bikan ida no foos lata ida ba atende nesesidade moris nian.
Pascoal nia sofrementu ba hafraku nia forsa mak hetan tiru husi militar Indonezia iha funu laran iha parte ai kabun, rentos no iha parte kabun ne’ebé hodi hafitar nia isin lolon hafoin hanesan arma branka iha Sarin besik sentru sull Rai-Maliak, lokaliaza iha areadores postu administrativu Fatuberlio.
Mais menus oras tuku 10:20 Timor post halo vizita ida ba iha vulneravel Pascoal da Costa Sezáriu nia rezidénsia iha foho Kablaki hun lokaliza aldeia Datina, suku Holarua hodi dada lia lia ho aman vulneravel ne’e.
Liu husi vizita ne’e Timor post dada lia ho Pascoal da Costa Sezáriu iha nia rezidénsia no nia dehan, uluk halo uma du’ut ki’ik ida ho du’ut futun neen (6) maibé sente la seguru impresta fali ema nia kalén tahan sia (9) taka fali ba uma ki’ik ne’e hodi hela.
“Tinan naruk nia laran ha’u hela mesak iha uma ki’ik ne’ebé didin lolon sabraut, laiha kbiit atu hadi’a serake han de’it mós sei tane hela liman ba ema” dehan, Pascoal ba Timor post iha nia rezidénsia iha Holarua, Foho Kablaki Hun, Tersa (15/02).
Ho triste Sezáriu konta, kalan toba ho matan been tanba la tahan anin nia malirin ne’ebé huu ho udan bee nia bee ne’ebé sulin tama habokon roupa isin lolon ho toba fatin, sente labele tur mesak tau ahi hodi lalar isin akompaña reza ba maromak hodi tatoli todan ne’ebé sente iha vida moris ne’e.
Nia dehan hahán de’it susar oinsá atu sosa tan roupa, kalan toba manta laiha, obrigadu tenke hili ema nia manta aat ne’ebé soe ona iha lixu mai fase tiha halo moos taka netik iha tempu kalan, ha’u tenke halo ida ne’e tanba araska osan no buat hotu laiha inklui uma mós aat.
“Ba hahan kalan loron, Pascoal taka liman hodi dehan, tane liman ba ema, molok hetan ema nia hahán bikan ida no fo’os matak lata ida maibé simu uluk ema nia trata no koalia a’at hodi dehan ami la’òs estadu hodi o mai tane liman bei-beik”nia haktuir.
Maski ema nia liafuan barak maibé ho pasiente Pascoal husu ba sira atu lalika trata no ko’alia aat nia iha loron ida ne’e tanba ohin ha’u tane liman ba imi maibé dala ruma iha loron balun imi mós sei presiza ha’u nia votus iha eleisaun.“Maski durante ne’e hetan osan idozu nian maibé hodi selu de’it ema nia keos, dala ruma selu la to’o ema atu hadau tan ha’u hodi selu ema ninia sasán sira ne’ebé ha’u deve” nia dehan.
Molok hakotu Pascoal husu governu ninia apoiu solidariedade liu husi halo uma, apoiu hahán no roupa ruma hodi uza tanba tinan naruk nia laran susar tebes atu hetan apoiu ruma hosi governu.
Tuir observasaun nota katak, iha tinan naruk nia laran aman vulneravel ne’e hela de’it iha uma ki’ik ida ho largura 5×4 ho riin au betun haat (4) ne’ebé iha fatuk bo’ot ida nia sorin iha foho Kablaki hun.
Uma ne’ebé ho medida ki’ik ne’e leten empresta ema nia kalen tahan sia (9) hodi taka hela no uma oin la taka husik luan hela, ba sorin karuk, sorin lo’ós didin ho au hadak baluk tolu (3) no parte kra’ik didin ho au hadak tahan tolu, maski didin maibé la nakonu no iha tempu udan be’e tama hodi habokon nia isin ne’ebé anin ninia malirin hafalun hela.
Toba fatin ho hadak baluk haat (4) ne’ebé nahe hela biti ida ne’ebé akudesan ka’er fo’er to’o besik dodok ona no toba fatin ne’e mós tau hela ember boot ida, kaixa mamuk rua, saku tolu, masa jerigen litru 5 ne’e haat inklui manta rua ho xumasu ida no sanan ida da’an hela talas iha laran.
Enkuantu ninia dokumentu importante hanesan kartaun eleitorál ho kartaun Billete Identidade (BI) ho kartaun vasina falun ho plástiku tau de’it iha biti okos tanba uma la dignu no laiha fatin seguru ruma atu asegura dokumentu refere.(lcl).
796 total views, 3 views today
Bele hare Video Seluk :
Subscribe to Timorpost
