ADVERTISEMENT

Ema Deskoñesidu Uza Kilat Tiru Mate Karau Tolu Iha Barique

Mario da Costa - Manatuto
Jornalista : Beatriz Belo
Editor : Asisten Hermenegildo da Costa Tilman
  • Share
Komunidade sira hobur hela Karau ne'ebé tiru mate hosi ema Deskoñesidu iha Munisípiu Manatuto, Imajen Esp.

DILI (timorpost.com) — Iha Sesta Feira (23/09), oras tuku 02:18 madrugada ema deskoñesidu sira uza karreta ho Tipu Ranger Kór Azúl laiha xapa matríkula ba uza kilat tiru mate karau tolu, iha aldeia Fehuriin, Suku Boco, Postu Administrativu Barique, Munisípiu Manatutu.

Tuir kronolojia husi na’in ba karau, Antonio Arurio, hatete ohin mais ou menus iha oras tuku 02:18 madrugada, grupu deskoñesidu sira uza karreta ho tipu Ranger Kores azúl, maibé laiha xapa matríkula mak uza kilat tiru karau no sira konsege tiru mate karau tolu.

ADVERTISEMENT
SCROLL FILA BA NOTISIA


Lee Mós :
Komunidade Hobur Animal Mate Hafoin Rai-Lakan Tarutu

Nia dehan, karau tolu sira tiru mate ne’e rua mak sira konsege lori liu, no ida sira konsege husik hela iha fatin akontesimentu.

“Ha’u ho ha’u-nia irmaun konsege hapara karreta ne’e, maibé sira mai ho velosidade ne’ebé makas ho nune’e ami labele hapara, no ami duni tuir kedas iha momentu ne’e, maibé la konsege deskobre tanba sira ho karreta no ami uza motorizada de’it,” nia dehan liuhusi Telefone, Sesta (23/09).

Lee Mós :
Deskonfia Agel Mate Hafoin Simu Vasina AstraZeneca “Familia Ezije HNGV Halo Esplikasaun”

Hanesan karau na’in sente triste, tanba ne’e, sira parte informa ona ba iha xefe suku no Ofisial Polisia Suku (OPS) hodi hato’o ba komandu munisípiu depois ba komandu jerál hodi halo investigasaun ba ema ne’ebé kaer kilat hodi tiru no na’ok ema nia animal arbiru.

Lee Mós :
Xanana Hamulak Minutu Ida

Ba kazu ne’e, jornalista tenta halo konfirma komandante Munisípiu Manatutu, Superintendente João da Costa, liuhusi Telefone, maibé komandante nia parte seidauk simu informasaun kona-ba kazu refere.

 2,003 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ema Deskoñesidu Uza Kilat Tiru Mate Karau Tolu …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No