ADVERTISEMENT

Feira Likisá Realiza ho Osan Liu Rihun $40 

Timor Post - Liquiçá
  • Share

Timor Post (23/11/2020)- Koordenadór Feira hodi komemora loron Proklamasaun Independénsia 28 de Novembru ba dala 45, hanesan mós Diretór Jerál Ministériu Turizmu no Indústria, José Quintas hatete, orsamentu hodi realiza Feira iha Suku Lauhata-Bazartete Munisípiu Likisá montante rihun $40 resin.

José Quintas fó agradese ba ekipa seksaun feira, tanba ho situasaun rai manas, anin no dezafiu barak, más ekipa kontinua servisu hodi ohin loron bele realiza feira ne’e.

Alende ne’e agradese mós ba parseiru sira ne’ebé apoiu feira ne’e, hanesan Mauhoka, Amizade, BNCTL-Dili, Bank Mandiri no sira seluk tan.

“Hosi apoiu parseiru sira hamutuk ho Governu tau orsamentu hamutuk rihun $40 resin hodi realiza atividade feira ne’e” dehan Quintas iha nia  diskursu abertura ba  Domingu (22/11).

Entretantu Vise Prezidente Komisaun Organizadora, Ministru Turizmu, Komérsiu no Indústria, José Lucas do Carmo, reforsa  eventu ne’e  ho konseitu ida atu lori hamutuk produtus.

“Sasán sira lori mai iha ne’e, sim komersialmente atu lori mai facan, maibé ita mós hakarak atu hatudu katak ita bele halo buat ruma hanesan mós ema seluk”, esplika José.

Iha abertura Prezidente Komisaun Organizadora, Ministru Administrasaun Estatál Miguel de Carvalho konvida Ministru ho Ministra sira hotu sae ba palku hodi baku babadok hamutuk atu loke atividade feira refere.

 Enkuantu partisipa iha serimónia nee mak Ministru Turizmu, Komérsiu no Indústria, Ministru Administrasaun Estatál, Ministru Edukasaun, Juventude no Desportu Armindo Maia, Ministra Saúde Odete Maria Freitas Belo, Ministru Asuntu Parlamentár no Komunikasaun Sosiál Francisco Jerónimo, Embaixadór Indonézia iha Timor-Leste Sahat Sitorus no sira seluk tan. (Jornalista: Jaime Pires)

 1,139 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Feira Likisá Realiza ho Osan Liu Rihun $40 “ A few seconds ago

Lee Mós :
SEKoop Hakarak Sai Parseiru Permanente ba IBT I.P

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No