ADVERTISEMENT

Udan ho Anin Sobu Serimónia Abertura Feira 28 Novembru iha Likisá

Timor Post - Liquiçá
  • Share

Timor Post (23/11/2020)—Udan ho anin maka’as iha loron Domingu (22/11/2020) iha Suku Lauhata, Postu Administrativu Bazartete, Munisípiu Likisa, konsege sobu serimónia abertura ba feira hodi komemora loron Proklamasaun Independénsia 28 Novembru ba-dala-45.

Observasaun Timor Post haktuir, molok abertura, komisaun konvida lia-nain sira hodi fó matak malirin iha serimónia ne’e, maibé lia na’in to’o tarde. Tanba ne’e, liu tiha minutu hirak nia laran, Ministru Administrasaun Estatal (MAE), hanesan mós Prezidente Komisaun Organizadora ba selebrasaun loron proklamasaun ba tinan ida ne’e, Miguel de Carvalho Pereira orienta hodi hahú de’it ona serimónia tanba tempu liu ona no lia-nain seidauk to’o.

Nune’e, hafoin Ministru Miguel halo diskursu hotu, udan ho anin hahú tau maka’as hodi sobu kedas tenda ne’ebé membru governu na’in-lima inklui MAE, MTCI, MEJD, MAPKOMS no MAP.

Situasaun ne’e mosu halo membru governu ho konvidadu espesiál sira halai tún-sa’e no tenda konsege monu baku ema ida maibé la hetan kanek.

Korpu Seguransa Pesoal (CSP sigla Portugués) sira hala’i ho lais ba hamoris karreta hodi hakbesik aan ba membru governu sira evakua sai husi fatin serimónia ba liu kedas Dili.

Rejultadu husi udan ho anin boot ne’e halo serimónia to’o de’it iha klaran tenke fahe malu.

Observasaun Timor Post hatutan, udan ho anin tau maka’as iha de’it área seimónia to’o Likisá Vila to’o de’it klinika Bazartete, enkuantu tesik ba Dili udan to’o de’it iha Ulmera. (Jornalista: Jaime Pires)

 1,149 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Udan ho Anin Sobu Serimónia Abertura Feira 28 N…” A few seconds ago

Lee Mós :
Polisia Halo ona Intervensaun ba Kazu Joven ida Mate iha Likisa

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No