Likisá (timorpost.com) – Centro Nacional Chega (CNC), Ohin loron 25 Fulan Outobru tinan 2022, tuku 3:00, hamutuk ho membru Konsellu Asesór Internasionál CNC ba vizita sobrevivente Domingos do Santos, ne’ebé hetan apoiu uma husi CNC.
“Ohin ita vizita mai hamutuk ho membru Konsellu Asesór Internasionál CNC, hodi haree sobrevivente Domingos do Santos, ne’ebé hetan apoiu husi CNC”, Diretór Ezekutivu CNC, Hugo Maria Fernandes, dehan iha Maubara, Likisa, Tersa (25/10).
Diretór ne’e dehan, apoiu ida ne’e nu’udar apoiu Governu no estadu nian ba vítima sira no sobrevivente husi funu nian.
“Ohin ita ba vizita Domingos hodi haree Uma ita bolu uma memoria ba esperansa ne’ebé Na’i Primeiru Ministru, Inaugura iha Fulan Janeiru tinan ida ne’e”, nia haktuir.
Tanba ne’e Domingos do Santos, nu’udar vítima ne’ebé Indonézia sira halo ba nia iha tinan 1999.
Portantu apoiu uma ne’ebé husi CNC ne’e maka “uma tiga air” kompostu husi kuartu tolu, haris ida no dapur, maibé uma ne’e agora sira seidauk hela iha ne’ebá.
Sobrevivente Domigos do Santos, nia espoza mak Terezinha do Santos, ho oan hamutuk na’in-4, daudauk ne’e sira hela iha suku Vatuvou, Postu Administivativu Maubara, Munisipiu Likisá.
“Uma ohin ita mai haree ne’e hamutuk ami Prevee osan ho montante 14. 700 USD, ne’ebé ami fó osan de’it, depois maka sira sosa ekipamentus no material, no mós ami fó osan de’it depois maka asosiasaun vítima koopera ho komunidade hodi halo uma ida ne’e.
Alende ne’e, membru Konsellu Asesór Internasionál CNC, Galuh Wandita, dehan husi nia parte hanoin sira haree oinsá CNC ajuda ba Sobrevivente iha munisípiu Likisá, sei iha pasu primeiru, se vítima no sobrevivente barak maka seidauk hetan, maibé ne’e di’ak sira hahú ona ho programa preprasaun.
“Tanba ne’e ha’u hanoin agora CNC halo Polítika preprasaun nian, mais CNC hanoin oinsá atu bele servisu hamutuk ho asosiasaun vítima ho klibur sobrevivente nian, ida ne’e maka importante tebes”, nia hakotu.
1,922 total views, 3 views today
Bele hare Video Seluk :