ADVERTISEMENT

Governu Prevee Orsamentu Rihun 114 USD ba Programa Mão de Obra Iha Lospalos

Mario da Costa - Lautem
Reportajen : Cardenio Alves
Editor : Mario da Costa
  • Share
Komunidade sira halo limpeza iha Suku Bauro, Postu Administrativu Lospalos, Munisípiu Lautem, Imajen TP/Cardenio Alves

Lautem (Timor Post) – Governu Prevee Orsamentu montante Rihun 114,541 USD, ba Programa Mão de Obra ne’ebé implementa iha Munisípiu Lautem, Postu Administrativu Lospalos, ho objetivu atu rekupera ekonomia iha baze, liuliu iha Postu, Suku, no Aldeia sira.

“Objetivu Governu investe ho orsamentu montante bo’ot, atu hadi’a ekonomia iha Komunidade ka rekuperasaun ekonomia, atu Komunidade bele servisu ho nia a’an rasik, liuliu hamoos hosi bairru, suku, no aldeia laran,” dehan Xefe Seksaun Planeamentu Postu Administrativu Lospalos, Arsenio da Conseção, iha nia kna’ar fatin, Lospalos foin lalais.

ADVERTISEMENT
SCROLL FILA BA NOTISIA
Lee Mós:
Estrada Munisípiu Lautem Nakonu ho Tahu Dodok

Tuir nia, hosi servisu Mão de Obra ne’e ema ida hetan dolar lima (5) kada loron no Xefe do Grupu hetan dolar hitu (7), no tuir planu Governu, Grupu ida ema na’in ruanulu (20).

“Programa ida ne’e Komunidade hosi Munisípiu Lautem barak mak hakarak servisu, nune’e ami fahe grupu, katak loron sanulu, grupu primeiru, ba loron seluk, grupu segundu troka malu servisu”, nia hateten.

Nia dehan, programa Mão de Obra ida ne’e tinan uluk Governu implementa bei-beik, no tinan 2022, Governu implementa iha nivel territóriu laran tomak, signifika atu hadi’a ekonomia iha Komunidade sira nian.

Lee Mós:
Sobreviventes 12 Novembru Husu Governu Kria Kondisaun ba Juventude

Governu nia programa ida ne’e mai iha Munisípiu Lautem, no aldeia hatnulu-resin-tolu (43), mak sei hetan servisu, no suku tolu mak sei servisu uluk, mak hanesan, Suku Bauro, Rasa, Fuiloro, Home.

Segunda Faze mak, mua-pitine, Soru, Leuro, kakavei, tanba orsamentu Segundu faze nian seidauk mai, nune’e primeira faze servisu ona, tanba orsamentu sira nian iha ona.

Iha parte seluk Xefe Suku Bauro, Sidalio Freitas, hatete programa Governu nian di’ak teb-tebs, no nudar konselu suku, paresia ho programa Mão de Obra ida ne’e, hodi bele minimiza vida ekonomia iha baze.

Lee Mós:
Lú Olo Lakon iha Sentru Votasaun Somotcho, Suku Bauro, Lautem  

Planu Governu nian ne’e mai nu’udar rekuperasaun ekonomia ba povu iha areas remotas no mós iha area urbana sira hotu.

Tanbá ne’e nia husu ba Komunidade sira, hosi Munisípiu Lautem, Postu Lospalos, Suku Bauro tomak, servisu ho didi’ak, tanba programa ida ne’e bele rezolve uitoan ba difikuldade balun ne’ebé hasoru.

“Ha’u fiar katak ita sei servisu tuir regulamentu ne’ebe iha”, nia hakotu

 378 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu Prevee Orsamentu Rihun 114 USD ba Progr…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: