ADVERTISEMENT

Tuda Habosok Uma Kakuluk, Vítima Sai ba Liur hasoru Kedas Rama Ambong

Timor Post - Dili
  • Share

Timor Post (21/09/2020)—Akontesimentu iha Domingu (20/09/2020) kalan maizumenus tuku hitu ho balun iha área Praia dos Coqueros, Aldeia 05, Suku Konoro-Dili, vítima ida hetan hana ho rama Ambong husi ema deskoñesidu bainhira sai husi uma laran ba liur hodi haree sé mak tuda uma kakuluk.

Vítima ho naran Eligio Barros, tinan 23, eskola iha Universidade Oriental (UNITAL), husi Suku Aekoni, Postu Administrativu Baguia, Munisípiu Baukau.

Tuir kronolojia, Komandante Daruak Munisípiu Dili, Superentendente Euclides Belo haktuir, vítima iha hela uma laran hemu hela kafé, la kleur rona ema tuda iha uma kakuluk. Tanba ne’e, bainhira vítima sai husi uma laran ba liur, ema hana kedas iha nia kabun parte karuk.

“Suspeitu sira parese lasu hodi tuda fatuk iha uma leten. Depois sira (vítima) sai ba mak sira (suspeitu) sira hana, depois sira halai,” Euclides haktuir ba Timor Post via telefone.

Iha momentu ne’eba, liu-minitu hirak nia laran, polísia to’o kedas iha fatin akontesimentu hodi akompaña evakuasaun vítima ba ospitál no duni tuir suspeitu maibé seidauk hetan kapturasaun.

Kazu ne’e tama ona iha prosesu investigasaun Komandu Munisípiu Dili. (cao)

 772 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Tuda Habosok Uma Kakuluk, Vítima Sai ba Liur ha…” A few seconds ago

Lee Mós :
Operasaun BOP-COE Kaptura Joven 11 Tenta Hakat Ilegal Fronteira

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No