ADVERTISEMENT

Funsionáriu BNCTL ho Telemor Hamoos Foer Iha Area Largo Lecidere

Mario da Costa - Dili
Reportajen : Ermelinda Caet
Editor : Mário da Costa
  • Share
Telemor ho BNCTL foto hamutuk hafoin halo limpeza iha tasi-ibun Largo Lecidere, Sábadu (26/11), imajen TP/Ermelinda Caet

Dili (timorpost.com) – Funsionáriu Banku Nasionál Komérsiu Timor-Leste (BNCTL), servisu hamutuk ho operadór telekomunikasaun Telemor realiza atividade hodi halo limpreza ba lixu iha tasi-ibun area Largo Lecidere.

“Atividade ne’e inisiativa Telemor no BNCTL, hanoin katak presiza halo atividade hamutuk para hametin kooperasaun. No partikularmente ami halo ne’e ita hatene katak Dili ne’e foer loos bee oan, mota laran mós nakonu ho foer, la hatudu ita-nia maneira di’ak oinsá atu kuidadu lixu ba ita-nia ambiente”, Diretór Jerál BNCTL, Brigido de Sousa, dehan hafoin limpreza iha area Largo Lecidere, Sábadu (26/11).

Enkuantu Atividade ne’e sira halo parseiru entre BNCTL ho Telemor, maibé mós importante liu atu halo netik buat ruma hamoos Dili hodi prepara aan ba selebrasaun aniversariu Proklamsaun Independensia ba dala-47.

“Ami halo limpreza de’it iha Largo Lecidere tanba ami limitadu, maibé ita-nia plástiku ne’ebé ohin tau foer ne’e nakonu, ami tau hamutuk iha plástiku lubuk ida, tanba lixu barak la halimar”, nia tenik.

Entaun hot-hotu kuidadu ambiente katak foer ne’e soe iha nia fatin no tau didi’ak iha plástiku hodi nune’e ba soe, depois mak ema husi Saneamentu Dili nian mai foti hodi ba soe iha fatin ne’ebé sira soe foer ba.

Lee Mós:
Simu Sinovac, Xanana Subliña Importánsia husi Vasina

“Ha’u husu ba ita hotu tau atensaun ba ambiente, ba foer ne’ebé ita produs iha uma laran, ita maka tenke responsabilidade katak oinsá maka atu tau lixu hamutuk iha fatin ida, ita labele hein buat hot-hotu Governu mak halo ba ita”, Diretor ne’e informa.

Portantu sira iha planu pelumenus fulan neen sira halo atividade hodi hamoos foer iha area ne’ebé de’it atu nune’e ajuda Governu hamoos netik foer tanba agora tempu udan lixu barak bele kauza inundasaun.

Lee Mós:
CEO TAEL Hasoru PR Horta Hato’o Sira Nia Vontade Hasa’e Produsaun Kafé

Entretantu tuir observasaun Timor Post online nota iha terenu katak Funsionáriu husi BNCTL no Telemor ne’ebe ohin hahú halo limpreza iha area Largo Lecidere tasi-ibun iha oras tuku 7:00 oras Timor-Leste, molok atu hamoos foer ne’e sira uza maskaer no luvas.

 791 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Funsionáriu BNCTL ho Telemor Hamoos Foer Iha Ar…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: