ADVERTISEMENT

Komunidade Uma-Ka’in 176 Lamenta ho Planu Konstrusaun Aeroportu Komoro

Mario da Costa - Dili
Reportajen : Mariano Abi
Editor : Mário da Costa
  • Share
Portavós ba Komunidade Afetadu Rai iha Aeroportu Nicolau Lobato Komoro, Natalino Fernandes Ximenes, Imajen TP/Mariano Abi.

DILI (timorpost.com) — Komunidade Uma-Ka’in 176 iha Suku Komoro, Postu Administivativu Dom Aleixo, lamenta ho planu konstrusaun Aeroportu Internasionál Nicolau Lobato Komoro.

Portavós ba komunidade afetadu ba rai iha Aeroportu Komoro, Natalino Fernandes Ximenes, hatete laiha sosializasaun ne’ebé kle’an no hamosu irregularidade barak hanesan, mapa iha fulan Juñu 2021 nian no Lei 30 dias vs 90 dias no lalaok atendementu reklamasaun iha semana 1 dala rua (2) no husi komunidade konsege kumpre.

ADVERTISEMENT
SCROLL FILA BA NOTISIA

“Formatu reklamasaun halo dúvida no uza mak formatu ami nian, rezolusaun foun foin públika kona-ba presu ba rai ne’ebé aprova ona husi Konsellu Ministru ne’e esplika katak, iha ona negosiasaun, maibé realidade laiha,” Natalino dehan iha eventu diálogu ne’ebé realiza husi Sosiedade Sivíl Rede ba Rai ho tema “Diálogu Nasionál Kona-ba Polítika Rai Iha Timor-leste” iha Ótel Timor, Kuarta (26/10/2022), objetivu atu nune’e komunidade sira hasoru diretamente ho líder sira.

 

Natalino afirma tan, Rai ne’ebé disputa Komunidade ho estadu haree husi pose, kuaze komunidade kaer rai ne’e maioria hanesan Rai eransa no kuaze tinan 40 ba leten, signifika prienxe ona kritéria tuir lei, tanba durante períodu refere laiha parte ida mak ba interven, liuliu husi Estadu.

Lee Mós:
RENETIL Apoiu SNI-PSIK Prosesu Kazu Prende Osan Iha Aeroportu

Tanba sá Governu husu fali sertifikadu ne’ebé Governu rasik seidauk atribui dezde SNC no Komunidade nia rai ne’ebé sukat? Nune’e mós hanesan ema hotu-hotu hatene hela katak, iha 1999 ema barak lakon dokumentu sira ne’e tanba funu.

“Presu ba Rai, Uma no Ai-horis rezolusaun sira ne’ebé deskreve ne’e derepente de’it públika ona iha Jornál Repúblika sein halo konsultasaun no negosiasaun ho komunidade,” Natalino relata.

Tanba ne’e, Natalino lori komunidade Aeroportu Komoro nia naran rekomenda katak, presiza sosializasaun direta ba iha baze, tanba Komunidade sira maioria ho vida agrikultura, nível koñesimentu ne’ebé analfabetu.

“Husu ba Prezidente RDTL atu bele fó despaixu ba entidade relevante hodi haree asuntu refere, entidade benefisiáriu (ANATL), Terras Propriedades, Obras Públika, Ministériu Agrikultura, sira implementa tuir lei ka lae?,” Natalino husu.

Enkuantu ba Parlamentu Nasionál (PN), Komisaun A ne’ebé trata asuntu Konstituisaun no Justisa ho Provedór Direitu ema nian no Justisa (PDHJ) inklui sosiedade sivíl atu haree asuntu refere.

Lee Mós:
CNRT Realiza Enkontru Alargada Hodi Unifika Forsa Hasoru Eleisaun Segunda Volta

“Se bele halo enkontru iha komunidade, tanba Governu mak presiza Komunidade nia rai, sátan Estadu iha rekursu kompletu, transporte, seguransa no seluk-seluk tan. Nune’e la presiza sulan komunidade sira iha salaun Aeroportu laran, lori oknum Polísia ho intensaun atu influensia psikolojikamente komunidade sira nian atu labele ekspresa ho livre,” Natalino afirma.

Nia akresenta, presiza define ho loloos rai sira ne’e nia estatutu, tanba reklamasaun sira hatama ona, maibé títulu ba rai ne’e barak sei disputa no la esplika klaru, tanba sa nafatin disputa no hirak ne’ebé disputa ho ne’e selu ka la’e? ou imi dada hanesan ne’e para Komunidade lakon saulgati de’it sira-nia direitu no imi atu aproveita buat rahun?.

“Kona-ba presu ba rai, ami-nia proposta ba rai mak $150 por metru kuadradu, husu atu entidade sira molok determina presu ba patrimóniu sira ne’e, tenke ba halo negosiasaun, atu husu mós rai ho uma sira ne’ebé nia klase diferente ne’e to’o agora Komunidade seidauk hatene loloos nia kustu sira,” nia informa.

Lee Mós:
Prezidente Repúblika Portugál To'o Ona Iha Aeroportu Komoro

Tanba ne’e mak Natalino reprezenta komunidade afetadu Aeroportu Komoro husu mós ba autoridade investigasaun hanesan KAK hodi bele haree took asuntu refere, será ke sira la’o tuir duni lei no prinsípiu espropriasaun ka lae?

“Sé investimentu ba projetu ai ne’e mak osan empréstimu, ADB favór implementa didi’ak atu investór nafatin fó fiar ba ita, atu nune’e investimentu ne’e iha benefísiu duni, ita lakohi tusan ba jerasaun, aumenta pezu ba Estadu, Komunidade mak nafatin sofre,” Natalino afirma.

Antes atu hakotu nia haktuir tan, Komunidade afetadu ba projetu refere, atribui ona kompeténsia tomak ba Rede ba Rai hodi bele hasoru laloran bo’ot ne’ebé sei mai, liuliu karik iha senáriu ba to’o iha Tribunál ka asuntu Judisiál, bele kontaktu no hasoru ho ami-nia advogadu rede ba rai, se atu halo negosiasaun, nune’e tenke direta ho komunidade sira.

 3,769 total views,  12 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Komunidade Uma-Ka’in 176 Lamenta ho Planu…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: