ADVERTISEMENT

Lixu Lekar iha Largo Lesidere

Mario da Costa - Dili
Reportajen : Estaziada Ermelida Caet
Editor : Mário da Costa
  • Share
Lixu butuk iha valeta bee lori ba tasi iha area Largo Lesidere, Imajen Esp.

Díli (Timor Post) – Iha Kapitál Timor-Leste, loron-loron ema sempre preokupa ho lixu tanba lekar iha fatin públiku sira.

Estudante husi Universidade Nasionál Timor Lorosa’e (UNTL), Alfredo Colo, afirma nia parte haree lixu kontinua nafatin lekar arbiru iha Kapitál, liuliu fatin turizmu Largo Lesidere.

ADVERTISEMENT
SCROLL FILA BA NOTISIA

Nia hatene, Governu liuhusi Autoridade Munisípiu Díli (AMD) tenke kria ona regulamentu hodi kontrola sidadaun hot-hotu atu so’e foer iha fatin lixu ne’ebe prepara tiha ona.

Lee Mós:
Komandu PNTL Koloka Membru Efetivu 1800 Asegura Bainaka VIP

“Ha’u lamanta haree ita-nia komunidade sira laiha konxiénsia atu aruma foer tuir nia fatin, halo foer ne’e sei kontinua lekar iha kapitál, prinsipalmente iha fatin Largo Lesidere”, nia hateten ba Timor Post Online iha Largo de Lecidere, Sábadu (03/09).

Nia dehan, ADM kria ona lixeira, maibé komunidade sira nafatin soe foer arbiru ne’e signifika laiha domin ba nasaun.

Alfredo informa, lixu ne’ebé lekar ne’e sasán orgánika no non orgánika.

Lee Mós:
Ministru Miguel: Dili Lixu Bou To’o Tonelada 220 kada Loron

“Tuir loloos komunidade tenke iha ona konsiénsia hodi so’e foer iha fatin lixu ne’ebé ita-nia Governu prepara tiha ona atu nune’e bele evita moras no la bele hamosu inundasaun bainhira tempu udan”, tenik nia.

Problema lixu ne’ebé naklekar iha Díli, sai preokupasaun bo’ot tebes ba ema hotu, tanba fó impaktu negativu ba saúde públiku, liuliu moras diareia, dengue, malária, no sel-seluk tan, kauza prinsípal mak ambiente ne’ebé foer, moras hot-hotu bele aproveita komesa dezenvolve aan no transmite ba ema hotu.

Lee Mós:
“DARK CLOUDS OVER A CLOSED WORLD” (Kalohan nakukun taka metin rai-klaran). Hare Dili, Kupang to’o Lisboa

Tuir observasaun Timor Post Online nota katak komunidade sira ne’ebé hela iha Largo Lesidere inkonsiénsia tanba fatin lixu iha maibé la Utiliza hodi tau lixu.

 844 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Lixu Lekar iha Largo Lesidere” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: