ADVERTISEMENT

Ahi-Han Armazein Ofisina Patrimóniu Estadu

Mario da Costa - Dili
Reportajen : Beatriz Belo
Editor : Mario da Costa
  • Share
Ahi-han mutuk Armazein Ofisina Patrimoniu Estadu, Imajen TP/Ermelinda Caet

DILI (Timor Post) – Deskonfia ema deskoñesidu sunu ahi-han mutuk armazein ofisina patrimóniu estadu iha area tasi-tolu, iha loron Tersa kalan (09/08).

Prezidente Autoridade Protesaun Sivíl (APS), Superintendente Ismael da Costa Babo, informa horikalan purvolta meia noite iha area tasi-tolu hetan inséndiu boot ida armazein ofisina patrimóniu estadu nian. Akontesimentu horikalan ne’e ekipa husi autoridade sivíl liuliu Diresaun Nasionál Bombeiru responde mediatu no apoiu husi populasaun sira no konsege kombate hamate ahi.

ADVERTISEMENT
SCROLL FILA BA NOTISIA

“Motivu husi inséndiu ne’e, ita seidauk hatene, tanba ne’e, oinsá ita haruka ekipa ida atu halo investigasaun kle’an ida kona-ba akontesimentu ida ne’e, hafoin ita bele deteta motivu husi inséndiu ne’e mai husi ne’ebé, mais husi sirkuitu eletrisidade ou deskuida indivídu ruma,” nia hateten knaar fatin Kaikoli, Kuarta (10/08).

Nia dehan, objetivu horikalan sira-nia parte halo operasaun ne’e, oinsá mak bele halo prevensaun ahi-han mutuk armazein ka ofisina estadu nian, atu la bele alarga ba iha komunidade ne’ebé hela besik iha armazein ne’e.

Lee Mós:
Garante Nasaun Atu La'ó Tenke Kaer Metin Konstituisaun

“Ita tenta para salva buat ruma, maibé la konsege salva, mais ita salva para la afeta ba iha komunidade sira ne’ebé hela besik iha fatin refere,” nia informa.

Tuir nia, armazein ne’e Ofisina Patrimóniu Estadu, ne’e ho grasa maromak nian laiha impaktu ba vítima umanu, maibé ho akontesimentu ida ne’e, sai mós lisaun boot ida ba ema hotu.

Nia dehan, konserteza akontese inséndiu ne’e, orsamentu Estadu nian mós afeta hotu, maibé, sira-nia parte simu informa de’it katak sirkuitu eletrisidade, nune’e mak provoka armazein ofisina patrimóniu estadu nian ne’e ba iha inséndiu.

Iha sorin seluk Pesoál PAX ne’ebé halo seguransa ba iha ofisina patrimóniu estadu, Nelson Magalhães, informa nia ho kolega Manuel da Silva, maka tama iha Tersa kalan, maibé derrepente de’it akontese ahi suar sa’e husi armazein ne’e.

Lee Mós:
STAE-CNE Tenke Hadi’a Mekanizmu Eleisaun Prezidénsial Segunda Rounde  

Nia dehan, akontesimentu iha tuku 12:30, maibé sira la hatene se maka sunu, tanba ahi suar makaas ne’ebé atu hamate mós la biban, ne’ebé sira direita kontakta kedan ba Bombeiru no Polisia Nasionál Timor Leste (PNTL), tun direitamente iha fatin akontesimentu ne’e hodi halo prevensaun to’o sira konsege hamate ahi, mais ou menus iha tuku 3:00 madrugada.

“Ita bele dehan deskonfia ema maka sunu, tanba iha ne’e ahi la tama iha fatin ne’e, maibé ita deskonfia de’it, ita la haree ho matan se maka sunu los, tanba ahi lakan iha armazein ne’e mós lakan makas tebes, tanba ne’e ami la salva sasán ruma,” nia dehan.

Entretantu sasán sira ne’ebé armazein hodi rezulta ahi-han mak AC haat, kama haat, kadeira haat, meza haat, armáriu haat no komputadór haat.

Iha sorin seluk Diretór Jerál Patrimóniu Estadu, Januário da Gama, hatete kestaun inséndiu ne’e prosesu la’o ketak ida kompañia kontaktu ona PNTL sira mai halo prosesu ona rekolla dadus kona-ba kondisaun ne’ebé estasiona armazein ida ne’e. Armazena ida ne’e atingamente karreta estadu lubuk ida, maibé liu ona prazu utilizasaun no bainhira halo leilaun mós laiha ona interese.

Lee Mós:
Guilhermina Hetan Valor A’as Liu iha Ezame Eskrita ba Prezidente Autoridade Munisípiu Dili

“Tanba ne’e kondisaun karreta sira ne’e iha tinan 7 ba kotuk ita halo ona prosesu negosiasaun direita ba modalidade saukata de’it iha fatin ida ne’e”, nia tenik.

Portantu armazein ida ne’e Estadu no Governu nian kontinua halo rotasaun kompañia sira seguransa bele tau matan ba armazein ida ne’e. Entaun armazein ne’e nia alvu ba estasionamentu ba sasán maibé kondisaun ne’ebé la bele tau prosesu iha sasán aat ona hanesan komputadór, roda no seluk tan ne’ebé la bele leilaun ona.

 291 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ahi-Han Armazein Ofisina Patrimóniu Estadu” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: