ADVERTISEMENT

TROBAS Luta Kontra Lixu Plástiku iha Dili

Mario da Costa - Dili
Reportajen : Mariano Abi
Editor : Mario da Costa
  • Share

Dili (Timor Post) – Bazea ba Governu nia programa, katak hamenus lixu plástiku iha Sidade Dili, tanbá ne’e Organizasaun Tropas ba Ambiente Saudável (TROBAS), kada semana halo atividade Limpeza Jerál.

Koordenadór Jerál TROBAS, Eligio Soares, hateten sira-nia estrutura hamutuk ema na’in-16, kompostu husi Feto na’in-7 no Mane na’in-9, halo limpeza komesa husi jardin Motael tuir de’it tasi ibun no balu husi estrada to’o avenida de Faról nian.

ADVERTISEMENT
SCROLL FILA BA NOTISIA

“Objetivu husi Organizasaun TROBAS, hala’o atividade Limpeza hamutuk, hodi rekolla lixu plástiku ne’ebé liga liu ba Governu ninia programa katak, hamenus Lixu plástiku. Depois TROBAS deside oráriu limpeza iha semana-semana tuir mai mak ha’u fó ajenda,” nia dehan bainhira halo Limpeza hosi Matael ba Faról, Sábadu (30/07).

Lee Mós:
Tribunál Adia Julgamentu Kazu Emilia Pires - Madalena Hanjam

Nia subliña, programa ne’e, TROBAS hetan parseria husi Ajensia Internasionál Mercy Corps, no hetan suporta ba atividade ida ne’e mak husi Uniaun Europeia iha Timor-Leste, nune’e mós Sira sai hanesan parseria husi organizasaun nian.

“Entaun ohin loron ninia objetivu ne’ebé mai iha suku Motael, atu rekolla fila fali tipu-tipu Lixu sira liu-liu Lixu Palásiu, Agua mamuk sira, no mós Palásiu uzadu sira ne’ebé durante ne’e ita-nia komunidade sira ou públiku soe iha area sira hanesan situ Turizmu, ida maka Jardín Motael, iha mós avendida de Faról nian ne’ebé iha simbolu husi Turizmu iha Timor-Leste,” nia dehan.

Nia hatutan, fatin sira ne’e mak sai tarjetu ba TROBAS nia atividade, atu oinsá rekolla lixu iha fatin sira ne’e. Tanba neste momentu hanesan Timoroan nia iha ona Lixu fatin, no dala-ruma parte Governu estabelese ona, maibé nafatin iha kondisaun ne’ebé ladún aproriadu, liuliu ita haree ba iha movimentasaun ema nian, ne’ebé iha fatin públiku sira ne’e sempre soe lixu arbiru.

Lee Mós:
Primeiru Ministru Preokupa ho Dezenvolvimentu F-FDTL iha Futuru

“Ho ida ne’e maka TROBAS foti inisiativa liuhusi programa Governu nian, hodi rekolla fila fali Lixu sira ne’e, hafoin ida ne’e remata ami sei lori ba iha Kompañia Kaltek, atu lixu sira ne’e bele halo fali ba atividade resiklajen nian iha Kompañia Kaltek,” nia dehan.

Kona-ba ajenda, TROBAS planu tuir sira nia Timeline atividade nian katak, sei identifika fatin sira ba iha area ne’ebé TROBAS nia ema seidauk iha, nune’e mós TROBAS koko halo limpeza iha ne’ebá, signifika fatin sira ne’e iha kuantidade lixu ne’ebé barak no ema dala-ruma la hamoos ou maluk saneamentu sira dala-ruma hamoos maibé ladún mós ida.

Lee Mós:
Estudantes de Díli realizarão exames do segundo período na última semana de agosto

“Ho ida ne’e, ami koko atu rekolla lixu sira ne’ebé iha fatin refere, no mós iha pozisaun balu ne’ebé identifika kuantidade lixu mak barak demais, nune’e ami kontinua atu hamoos fila fali, ne’ebé iha posibilidade ami sei kontinua fali atividade ne’e iha suku seluk, no ho programa ne’ebé hanesan objetivu ida atu hamenus plástiku iha Sidade Dili,” nia hakotu.

 197 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “TROBAS Luta Kontra Lixu Plástiku iha Dili” A few seconds ago
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: