DILI—Komunidade muslimanu iha mundu inklui Timor- Leste, selebra loron importante Idul Adha, ba dala 1443, iha TL komunidade sira oferta karan animal karau hamutuk 13 inklui bibi 10, animal hirak ne’e oho hafoin fahe hikas ba komunidade muslimanu kbi’it la’ek sira.
Xefe Fundasaun Meskita Annur Muhamad Anwar da Costa, esplika loron islámiku nia loron importante iha rua, ida Iudul Fitri, no Idul Adha, idul Adha ne’e em bele bolu idul Kurban, tanba ema oferese animal karau, bibi, animal hirak ne’e oho hafoin fahe fila ba komunidade muslimnanu kbi’it la’ek sira.
“Karan hirak ne’e, ita ba nati tuir sakrifisiu hosi profeta Abrão ne’ebé maromak haruka nia oho nia oan mane ida de’it ne’ebé nia hadomi, tanba nia fiar maromak nia doutrina ikus mai ita mós ba nati tuir, uza oferta ne’ebé iha ita sei oferese fila flai ba komunidade kbi’it la’ek sira”, Muhamad hato’o lia hirak ne’e ba Timor Post iha Meskita Annur Kampun Alor Sábadu (09/07).
Nia konta, karan ne’ebé oferese ba komunidade mak nan karau no nan bibi, animal ne’ebé iha, sei ko’a tau iha plastiku kilograma rua hodi fahe ba komunidade sira. Nan hirak ne’e prioridade ba komunidade islámiku sira.
“Ita konsidera loron Idul Adha ne’e importante, tanba ema rihun ba rihun mak konsentra iha ne’ebá halo hazi, komunidade hela iha Timor, laiha posibilidade atu ba, maibé haibur iha ne’e hodi kontinua selebra hamutuk ho família”, nia hato’o.
Iha Dili, atividade oho animal, la’ós konsentra iha Meskita Annur, mabé iha meskita Markoni,Bairru Pité , Fatuhada no Munisípiu , atividade selebra reza hanesan .
“Ita nia esperansa ba iha loron inportante ida ne’e,atu iha pas unidade faternidade, ida ne’e mak ita hakarak, kuandu ita laiha unidade no laiha tolenransia ita sei nafatin kria konflitu no sei la ba oin”, nia esperansa.
Total sarani muslimanu namkari ihaTL, hamutuk liu rihun 5000, komunidade antes tama ba semana rua, sira hahú orgniza no forma komisaun reza jerál, no grupu balun rezista komunidade sé mak oferta karan ba iha loron importante ne’e.
1,538 total views, 6 views today
Bele hare Video Seluk :