ADVERTISEMENT

Migrasaun Kaptura Sidadaun Estranjeiru Nain 2 Tanba Falsifika Dokumentus Estadu

Timor Post - Dili · PNTL
  • Share
Imajen: Midia SRP

Dili– Hare ba movimentu ema estranjeiru hirak ne’ebe kontinua aumenta, Servisu Migrasaun esforsu an hodi servisu makas, liu husi operasaun rutina konsenge detekta no halo kapturasaun ba sidadaun estranjeiru nain 2, ne’ebe maka halo falsifikasaun ba dokumentus hosi instituisaun estadu nian hodi hetan lukru.

Diretor Jeral, Servisu Migrasaun, Superintendente Asistente Polisia, Luis Soares Barreto, hateten, sidadaun nain rua ne’e kaptura iha area hudi laran.

ADVERTISEMENT
SCROLL FILA BA NOTISIA

“Atu informa deit ita nia membru hosi servisu operasional halo kapturasaun ba sidadaun estranjenjeiru nain rua iha area Hudi Laran, Bairo-Pite, tanba halo falsifikasaun ba dokumentus. Enkuantu iha mane ida ho naran inisial WX tinan 33, no feto ida naran HSJ tinan 33, no sira nain rua hosi Fujian-Xina”, esplika, Luis Barreto, iha nia servisu fatin, Ministeriu Interior, Vila-Verde, kuarta ne’e. (06/07/2022).

Lee Mós:
PNTL Detein Autór Tuda Kanek Oknum Polísia

Nia dehan, sidadaun nain rua ne’e servisu loke rasik ajensia ida no durante ne’e halo ona falsifikasaun ba dokumentu ofisial nasaun nian ho sira nia karimbu rasik hodi halo vistu servisu no pareser legal nian.

“Sidadaun nain rua ne’e rekuñese sira nia aktu no ita lori mai kedas sede sentral Migrasaun hodi foti identidade no ita entrega ona ba Komandu Munisipiu Dili hodi halo detensaun”, subliña.

Lee Mós:
Observadór CPLP Espera Eleisaun Iha Timor Leste Hala’o ho Pas no Estabilidade

Luis esplika, evidensia ne’ebe rekolla maka karimbu 113, kompostu hosi karimbu kompanhia 86, karimbu diretores 21, karimbu Ospital Nasional Guido Valadares 1, no restante husi sira nia ajensia.

“Ita rekolla mos evidensia hirak ne’ebe iha no dokumentus balu, hanesan pasaporte, no Komputador desktop hamutuk 5, laptop 1 no komandante operasaun ho nia membru sira haruka ona Ministeriu Publiku. Ami hein deit Prokurador sira atu hare kazu ne’e ou fo kompetensia ba se mak atu hare kazu ne’e no depois lori ba Tribunal no Tribunal sei desidi bazeia ba lei ne’ebe maka iha”, relata.

Entertantu, Komandante Munisipiu Dili, Superintendente Xefi polisia Henrique da Costa, konfirma, sidadaun nain rua ne’e detein ona iha sala detensaun Komandu Munisipiu Dili.

Lee Mós:
CNE Prepara Debate Nasionál ba Kandidatura Prezidente Repúblika Na’in 16

“Parte Migrasaun konklui ona investigasaun maibe tanba sira laiha sala detensaun entaun sidadaun nain rua ne’e ita detein provizoriu iha ne’e durante oras 72 nia laran, hafoin sei kontinua ba Ministeriu Publiku hodi hare ba parte juridiku nian no halo investigasaun tuir prosesu legal nian”, hakotu Komandante PNTL Dili, Henrique da Costa. (SRP/*)

 1,785 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Migrasaun Kaptura Sidadaun Estranjeiru Nain 2 T…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: