ADVERTISEMENT

USAID- Apoiu Orsamentu 9.5 Millaun USD Ba ONG Nasionál 8 Halo Estudu Peskiza Advokasia

Timor Post - Dili
Jornalista : Mariano Abi
Editor : Asistente Editor Hermenegildo da Costa Tilman
  • Share
Imajen ne'e hatudu katak, Ajensia Estados Unidus Amérika ba Dezenvolvimentu Internasionál (USAID) hamutuk Organizasaun Naun-Naun-Governamentál (ONG), ualu halo lansamenstu sira nia rezultadu Estudu Peskiza tinan 2022 nian, iha Otel Timor, Kinta (30/06). Imajen TP/ Mariano Abi

Dili (Timor Post)– Ajénsia Estadus Unidus Amérika ba Dezenvolvimentu Internasionál (USAID) hamutuk ho Organizasaun Noun-Governamentál (ONG), ualu halo lansamentu sira nia rezultadu estudu peskiza tinan 2022 nian, hanesan parte ida husi USAID-Timor-Leste nia atividade Advokasia ba governasaun di’ak hodi halibur evidénsia ba apoia polítika advokasia iha sira nia área.

ONG ualu ne’ebé USAID apoia mak, Asosiasaun Defisiénsia Timor-Leste (ADTL), Belun, Community Based Rehabilitation Network Timor-Leste (CBRNTL), Fundasaun Hafoun Timor-Leste (FHTL), Programa Monitorizasaun ba Sistema Judisiáriu (JSMP), Many Hands One Nation (MAHON), Mata Dalan Institute (MDI), Programa Espesífiku fó Prioridade ba Ema Kiak (PROSPEK).

ADVERTISEMENT
SCROLL FILA BA NOTISIA


Diretora Misaun USAID, Zema Semunegus, hatete, husi sira nia rezultadu peskiza ne’ebe mak ohin fahe espera atu hametin sira nia parseria iha prosesu elaborasaun polítika no fornese vizibilidade ne’ebé boot liu ba nesesidade no prioridade sidadaun sira nian ne’ebé sira reprezenta.

Lee Mós :
“Nia Dehan Mai Ha’u Ba Hemu Tua, Maibé Nia La Fila”

“Ha’u kontente tebes ba lansamentu Research products, ne’ebé ami nia parseiru ONG na’in-8 halo, husi peskiza ida ne’e, hola parte iha atividade USAID nian ba ONG advokasia Governasaun di’ak, atividade ninia durasaun ba tinan 5, komesa husi fulan Agostu 2020 to’o fulan Agostu 2025, ho nia total orsamentu hamutuk dolar amerikanu 9.5 millaun USD,” nia dehan iha Otél Timor, Kinta (30/06).

Lee Mós :
Reitór UNPAZ Konfirma Kazu Sona nia Estudante no Prosesu Aprendizazen Hafoin Akontesimentu

Nia subliña, husi USAID kontente tebes ba lansamentu ida ne’e, tanba USAID nia parseiru sira iha kapasidade atu hala’o peskiza ida ne’e, no peskiza ida ne’e sei Informa ba sira nia advokasia ba sira nia konstituinte sira.

“Peskiza ida ne’e bazeia ba evidénsia fundamental tebes hodi dezenvolve advokasia ida ne’ebé susesu, permiti organizasaun sira hatene rezultadu saida mak sira hakarak atu promove iha sira nia advokasia no ajuda sira atu hatene diak liu tan motivasaun sidadaun sira nian, dezafiu sira no eleva pontu sira ne’ebé bele fo’o rezultadu pozitivu”. Nia haktuir.

USAID nia funsaun atu tulun atividade ONG Timor-Leste sira, atu hadi’a sira nia kapasidade organizasaun no administrativu, advokasia, peskiza, análize no kapasidade atu responde diak liu tan ba konstituinte sira, haburas fonte rendimentu oi-oin no regulár, no promove ambiente ida ne’ebé bele haforsa ONG independente sira.

Lee Mós :
Pasiente HIV/SIDA Na’in-279 Lakon Vida

“Ami nafatin kontinua serbisu hamutuk ho parseiru ONG sira ne’e, hodi kontinua informasaun sira ne’e, no bele ajuda sira hodi bele halo advokasia ba mudansa serbisu sira ne’ebé mak Governu TL fornese ba sidadaun sira,” nia hakotu

 1,773 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “USAID- Apoiu Orsamentu 9.5 Millaun USD Ba ONG N…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No