ADVERTISEMENT

Ismael Babo Simu Pose Nu’udar Primeiru Prezidente APC

Mateus da Cruz - Dili · Nasionál
Reportajen : Estaziadu Mariano Abi
Editor : Mateus da Cruz
  • Share
Imajen Midia PR

Dili (Timor Post)–Prezidente Repúblika (PR), José Ramos-Horta, akompañia husi Vise Ministru Interior (VMI), António Armindo, fó tomada pose ba Superintendente Polísia, Ismael da Costa Babo, nu’udar Primeiru Prezidente Autoridade Protesaun Sivil (APC- sigla Portugés).

Prezidente Repúblika (PR), José Ramos-Horta, iha ninia diskursu hatete, autoridade protesaun sivíl ninia responsabilidade boot tebes bainhira iha asidente grave ruma no dalaruma ho sakrifika sira nia vida ho objetivu atu proteje no fó protesaun ba Vida Humanu.

ADVERTISEMENT
SCROLL FILA BA NOTISIA

“Ha’u hanesan testamuñu diretu ba serbisu ne’ebé Diresaun Jerál Protesaun Sivil halo iha palpasu foin daudauk akontese, agora iha area remota sira nia serbisu, iha insediu sira ne’ebé mak iha fulan Outobru 2019, Munisípiu sira iha Leste nian inundasaun boot iha fulan Marsu tinan 2020 no Fulan Abril tinan 2021, imi hotu halo esforsu makaas atu ajuda vitima sira iha palpasu sira ne’e, ho ida ne’e, hau nia agradesimentu boot ba imi hotu,” nia apresia ba membru sira hotu, iha Sede Autoridade Protesaun Sivil Kaikoli, Kuarta (29/06).

Lee Mós:
Don Virgílio La Konkorda Kriminaliza Difamasaun no Preokopa ho Estadu Halo Lei Barak iha Timor

Horta hatete, agora daudauk dezenvolve diak maske iha tinan 2019 hasoru hela pandemia Covid-19, maibé Superintendente Polísia, Ismael da Costa Babo, hatuur lideransa bainhira krize sira ne’e akontese.

“Bainhira nia kaer Autoridade Protesaun Sivil, hau konfia Nia bele kaer ho di’ak,” nia afirma.

Lee Mós:
Lembra Loron Invazaun Indonézia: Memorializa Istória Hodi Konstrui Estadu Direitu Demokrátiku

Iha fatin hanesan Superintendente Polísia, Ismael da Costa Babo, nu’udar primeiru Prezidente APC, sente orgullu no agradese ba VIII Governu konstitusional, ne’ebé mak depozitu konfiansa ba hau hanesan primeiru Prezidente  ba Autoridade Protesaun Sivil.

“Obrigadu ba VIII Governu konstitusional, ne’ebé mak depozitu konfiansa ba hau hanesan primeiru Prezidente  ba Autoridade Protesaun Sivil, ida hanesan pilar ida, depois pilar rua hanesan, Defeza Nasionál  Seguransa Internu no Protesaun Sivil, seluk mak atu komplementa sistema siguransa nasionál,” nia dehan.

Nia husu ba nai ulun sira atu apoiu ou harii Autoridade Protesaun Sivil ida ho ninia ho nia sistema ne’ebé mak adekuadu, hodi bele operasionaliza ba situasaun saida de’it, nune’e, ho fatin ida ne’e mak bele funsionámentu numeru uniku nasionál ba emerjensia.

Lee Mós:
GMPTL Kondena Autór Oho Domingas no Hakanek Amoy

“Husu deit ba entidade Instituisaun tomak, atu serbisu hamutuk hodi bele rezolve fatin sira ne’ebé mak risku boot ba dezastre, husu ba kooperasaun entidade tomak, hodi fó solusaun ba ida ne’e, maske Protesaun Sivil mak liña primeiru, maibé tenke mós husu apoiu mós ba liña ministeriál hotu-hotu nia kontribuisaun,”hakotu.

 974 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ismael Babo Simu Pose Nu’udar Primeiru Pr…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: