ADVERTISEMENT

Durante Janeiru to’o Juñu VPU Rejista Kazu Violénsia Doméstika 148

Mateus da Cruz - Defesa no Seguransa · Dili
Jornalista : Beatriz Belo
Editor : Mateus da Cruz
  • Share
Xefi Seksaun Investigasaun Kriminal PNTL Munisipiu Dili, Inspetor Mariano Soares. Imajen Esp

DILI (Timor Post)— Xefe Seksaun Investigasaun Kriminál PNTL, Munisípiu Dili, Inspetór Mariano Soares, informa, durante fulan Janeiru to’o Juñu 2022, PNTL liu hosi Seksaun Unidade Pesoál Vulneravel (VPU), rejista kazu violénsia Doméstika hamutuk 148.

“Hahú Janeiru to’o Juñu ita bele hatete katak kazu violénsia doméstika ne’e hamutuk 148,” nia dehan ba Jornalista sira iha nia knaar fatin Kaikoli, Kuarta (29/06).

ADVERTISEMENT
SCROLL FILA BA NOTISIA


Nia hatete, tuir regra normal, prosesu atendementu ba vítima sira hahú kedas hosi inísiu vítima hato’o keixa, hafoin ne’e kontinua haree vítima nia kondisaun, Karik vítima presiza tebes atu halo tratamentu maka sei lori ba Pradet, prosesu ne’e kontinua hala’o to’o provas nee rekolla no haruka ba Ministériu Públiku.

Lee Mós :
Negosiante Nuu Husu Fatin Dignu ba Governu

Hafoin ne’e hein Ministeriu Pubiku delega ba PNTL hodi hala’o investigasaun, se karik ministériu públiku dirije direta internu ne’e entaun ministériu públiku mak sei notifika parte sira tama ba prosesu ne’e no sei submete ba prosesu investigasaun.

“Tuir ita lei kodigu prosesu penal prosesu nee na’in mak ministériu públiku, polisia so halo relatóriu indísiu de’it, prosesu kontinuasaun kona ba investigasaun nee kompeténsia tomak ministériu públiku,” nia dehan.

Hosi númeru kazu ne’e kazu aas liu maka   Mau stratus ba kunjuze no ofensas integridade simples, tanba violénsia doméstika.

Insidente ne’ebé akontese ba labarik, tama iha kategoria mau stratus ba menór, bele akontese kontestu família bele mós la’ós akontese iha kontestu família, nune’e nia prosesu nafatin liuhusi VPU tanba labarik sira ho menór ne’e haree ba nia gravidade se kaman no todan mós sei prosesa nafatin.

Lee Mós :
Horta Enkontru ho Aniceto Diskute Asuntu Fraternidade Humana

“Ita mós parseria ho ONG sira para bele tau matan no bele akompaña, tanba iha krime mau stratus balun nee vítima balun ta’uk atu fila ba uma entaun ita lori ba ita nia parseiru  hanesan Alfaela  no Fokupers,” nia hatete.

Atu redús kazu violénsia doméstika, tuir nia, entidade hotu iha nasaun ne’e presiza kolabora hamutuk tanba VPU mesak de’it labele halo buat ida.

Lee Mós :
Ofisiais Migrasaun Na'in-20 Remata Formasaun Jestaun Fronteira

“Ita bele hatete katak atu halo redusaun ne’e servisu ema hotu nian maka hanesan komunidade, tanba krime maioria nee akontese iha komunidade tanba krime ne’e mai hosi fatór ekonomia no kultura.,” haktuir.

Nia husu ba komunidade sira atu mai hato’o informasaun kona-ba kazu ruma ligadu ho violénsia doméstika ba Polisia Nasionál Timor Leste bainhira akontese iha uma laran no iha liur, parte polisia sei tun kedas ba iha lokál hodi halo atendementu.

 1,503 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Durante Janeiru to’o Juñu VPU Rejista Kazu Viol…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No