DILI-Informasaun fó sai hosi Diresaun Nasionál Meteorologico Timor-Leste (DNMG), kuarta ne’e katak, daudaun ne’e udan Iha Parte Leste Persiste no Maka’as, Previzaun hatudu katak iha parte lokraik kontinua udan ho intensidade “Natoon-Makaas” iha Lautein, Baukau, Vikeke.
Iha Munisípiu Manufahi, Covalima, Bobonaru, Ainaru, Aileu, Ermera, Likisá no Dili udan kalohan sei dezenvolve taka no iha tendénsia atu udan ho intensidade Fraku-Naton.
“Tanba ne’e husu ba viajante sira no mós ba komunidade sira nabee hela iha area risku (rejiaun leste) atu kontinua atenta ba eventual hirak nabee ita hotu la espera. Atensaun anin no laloran tasi iha Kosta Súl no leste illa Timor nian (Lautein, Vikeke, Manatutu, Covalima, Manufahi) risku,” aviza DMNG, iha sira nia portal, Tersa (28/06).
Husu ba komunidade sira atensaun ba risku hanesan Mota Tun, Rai Halai, Bee Sa’e, Ai Tohar no Eletrisidade Mate. Diresaun ne’e alerta ba parte Seguransa navegasaun: Atividade peska, patrullamentu no seluk tan.
Informasaun hosi EDTL, katak iha Lautein 29 Juñu 2022, feeder 1 trip mate kauza husi mudansa klimátika udan no anin boot Ai-tohar hanehan liña MT monu iha área postu Tutuala. Oras ne’e daudaun ekipa tékniku iha ona terrenu hodi halo manutensaun, hafoin halo manutensaun, sei normaliza hikas enerjia elétrika bá kliente sira.
Bazeia ba Imajen satélite no Modelu meteorológico ne’ebé diferente nota katak agora daudaun maioria iha munisípiu kalohan taka no udan hela iha munisípiu sira ne’ebé lokaliza iha rejiaun Leste (Lautein, Baukau, Vikeke). Validade informasaun ba previzaun 28 to 30/06/2022.
1,083 total views, 3 views today
Bele hare Video Seluk :
Subscribe to Timorpost
