ADVERTISEMENT

Sofia Amaral, Lekar Segredu Os-Verdes Haruka Sidadaun ba Servisu Iha Europa

Mateus da Cruz - Dili · Nasionál
Reportajen : Jaime Pires
Editor : Mateus da Cruz
  • Share
Vítima Sofia Amaral hamutuk ho família halo konferénsia imprensa hasoru Partidu ka Ajénsia Os-Verdes, Iha Suku Hera Postu Administrativu Kristu-Rei Munisípiu Dili, Tersa (28/06). Imajen TP/ Jaime Pires.

DILI (Timor Post)- Vitima Sofia Amaral hamutuk ho familia, lekar segredu ajénsia ka partidu Os-Verdes liu hosi Ameu Black ne’ebé bosok sidadaun sira ba servisu iha rai Europa liu-liu iha nasaun Portugál.

“Iha fulan Maiu ha’u rasik ba Señor Ameu Black nia uma hodi konsulta sira nia partidu Os-Verdes haruka sidadaun sira ba servisu iha Portugál no Ameu Black rasik esplika mai ha’u katak ema ba ne’e la haree ba koor no sei la tuir Arte ritual 77 nia ka partidu nia importante fó ba Os-Verdes, entaun ha’u sente di’ak ha’u ba trata dokumentus hodi ba hatama iha sira,” dehan Sofia Amaral, liuhusi Konferénsia imprensa ne’ebé mak realiza iha Hera, Tersa (28/06).

ADVERTISEMENT
SCROLL FILA BA NOTISIA

Nia esplika tan, entaun nia halai ba kedas Vikeke Uatulari hodi trata dokomentus, depois ba hatama ho osan montante $2.650 iha loron 08 fulan Maiu.

“Ha’u ba hatama dokomentus ho osan ha’u husu nafatin ba nia katak ba la halo buat ruma no la ko’a ami nia isin hodi tama 77 ka partidu nia, maun ne’e hatan dehan sim laiha ba de’it importante votus mak fó ba Os-Verdes,” hatene Sofia.

Lee Mós:
Ita Hadomi Sira Mas Sira Duku Tiha, “Marka Ajenda Tún Dili”

Nia reforsa tan, iha loron 12 fulan Maiu nia simu telfone haruka ba Ameu Black nia uma, nune’e nia ho laran tauk bolu ho nia ferik sira na’in rua mak ba.

“To’o iha ne’ebá nia dehan fali Nofy ita tenke sai ida de’it mak ba ka tenke ko’a isin tau pontu hotu mak ba, se ita la fó isin hodi ko’a no la tau pontu o sei la ba no o nja osan mós lakon saugati ona no ami la fó fila ona tanba tama ona sistema,” vítima ne’e konta.

Nia subliña, tanba ho nia ferik ne’ebé mak kondisaun moras, deside obriga de’it nia an hodi fó nia isin sira ko’a hodi halo pontus hitu, tanba tauk osan ne’ebé nia hatama ona ne’e lakon de’it.

Lee Mós:
Arte Marsiais IKS Seidauk Rejistu Legal, KORK Hetan Ona Lisensa

“Entaun sira komesa ko’a iha kabas sorin-sorin hitu, liman klo’ot ida, no ain klo’ot ida, depois hotu sira fó sira nia farda, afuan kalan ne’e nune’e mós ho Bua Malus,” Nia deklara.

Depois iha loron 13 fulan Maiu ba fali Ajénsia Os-Verdes, Ciko Moko dehan tan, sistema muda oituan entaun tiket aviaun karun, tanba ne’e sira aumenta tan osan $200 hodi ba toba kalan ida iha Bali, maibé iha iha Bali sira halo meius oi-oin no la tuir ona informasaun ne’ebé antes ko’alia.

“Entaun ami toba iha Bali sira muda ami toba hotel ba mai los kalan ba toba hotel ida depois kalan tuir mak ba fali ida, ho ida ne’e ha’u sente la di’ak entaun ha’u deside fila iha Bali mai fali Timor-Leste,” reforsa.

Ho ida ne’e Sofia ho família sira husu ba PNTL no PCIC atu investigasaun ajénsia ka partidu Os-Verdes liu-liu Ciko Black ne’ebé ho polítika mafiozu haruka timoroan sira ba servisu iha rai li’ur tanba konsidera krime Trafiku Humanu, nune’e mós sira husu atu fó fali Sofia noa osan, tanba to’o agora sira seidauk fó fali informasaun bainhira mak Sofia atu na servis iha Portugál.

Lee Mós:
Saudoza Albina Marçal nia Isin Mate Lori hikas husi Lospalos ba Dili

Antes ne’e, Prezidente Partidu Os Verdes de Timor, António Lela Hunu, klarifika ona katak laos partidu Os Verde maka haruka timoroan sira ba servisu iha rai liur, tanba durante ne’e partidu laiha desizaun kolektiva ruma ba asuntu ida ne’e.

Nia dehan, iha ema individu balun hosi partidu nia laran mak iha ajénsia rasik hodi fasilita no ajuda timoroan sira ba serbisu iha rai-li’ur

 3,854 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Sofia Amaral, Lekar Segredu Os-Verdes Haruka Si…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: