ADVERTISEMENT

Governu Husu Joven Sira Labele Fiar Ajénsia Falsu

Mateus da Cruz - Dili · Nasionál
Reportajen : Cardenio Alves
Editor : Asistente Editor Hermenegildo Tilman
  • Share
Ministru Asuntu Parlamentar no Komunikasaun Sosial, (MAPKOMS), Fransisco Martins da Costa Pereira Jeronimo. Imajen Esp

DILI (Timor Post)-Relasiona ho joven barak maka ba buka servisu iha rai li’ur maibé la’o tuir ajénsia sira,  Ministru Asuntu Parlamentár no Komunikasaun Sosiál (MAPKOMS), husu ba joven sira atu labele naran fiar ajénsia sira maibé presiza buka hatene uluk legalidade ajénsia ne’e molok foti desizaun.

“Ha’u husu ba juventude no inan aman sira hotu, presiza haree no tetu didi’ak antes foti desizaun ba servisu iha rai li’ur, uluk se’e mak sei responsabiliza antes ba servisu, tanba agora mosu ajénsia falsu barak ne’ebe foti desizaun tenke haree no didi’ak”, hatete Ministru Asuntu Parlamentár no Komunikasaun Sosiál, Francisco Martins da Costa Pereira Jerónimo, iha Plenária PN.

Nia hatete, MAPKOMS sei esforsu liu husi kontaktu ba embaixada atu buka dalan oinsá buka tuir Timor oan sira iha Portugál ne’ebe mak seidauk iha servisu ba sira hodi fó servisu ba sira.

Nia husu ba juventude Timor sira, labele ambisaun liu atu ba servisu iha rai li’ur liu husi ajénsia ne’ebe seidauk rekoñesimentu husi governu, maibé presiza haree no tetu didi’ak antes foti desizaun ba servisu iha ema nia rain.

Lee Mós:
PM Taur Motiva Traballadór 87 ba Korea

Timor-oan sira ba servisu iha rai li’ur polítika governu la’ós dehan labele, maibé presiza hatene ema ne’ebé mak sai sponsor no responsavel atu to’o iha fatin refere bele hetan servisu.

“Tanba iha públiku hotu-hotu asesu Timor oan ba servisu iha Portugal, balun hetan servisu balun mós la hetan, tanba ne’e presiza hatete didi’ak antes ba servisu iha ne’ebá, hodi labele lakon oportunidade ba moris diak”,

Lee Mós:
CNC-CPA Asina Akordu Dezenvolve Video Kartún Chega Popular

Joven sira presiza hatene klaru misaun no vizaun husi ajénsia sira, tanba balun mai hatudu deklarasaun, no balun ladauk mai, tanba ne’e husu ba Timor-oan sira katak Governu la prende no impede atu ba servisu iha estranjeiru, maibé hatene uluk see mak sai sponsor atu simu hodi ba asesu servisu, ida ne’e mak importante.

 828 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu Husu Joven Sira Labele Fiar Ajénsia Falsu” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: