ADVERTISEMENT

PR Horta – CNE Ko’alia Preparasaun Eleisaun Parlamentár 2023

Mateus da Cruz - Dili · Nasionál
Reportajen : Mariano Abi
Editor : Mateus da Cruz
  • Share
Imajen Midia CNE

Dili (Timor Post)– Prezidente Repúblika (PR), José Ramos-Horta, Ohin, hala’o enkontru ho Órgaun Eleitorál Komisaun Nasionál Eleisaun (CNE- sigla Portugés), hodi ko’alia kona-ba Eleisaun Prezidensiál 2022-2027 ne’ebé liu ona no preparativus bá Eleisaun Parlamentár 2023.

“CNE mai fó hanoin ruma liu-liu kona-ba Eleisaun Prezidensiál ne’ebé mak liu ba, no preparasaun ba Parlamentár ne’ebé mak sei mai,” Prezidente CNE, José Agostinho da Costa Belo, dehan ba jornalista sira iha Palásiu Prezidensiál, Bairo-Pite.

ADVERTISEMENT
SCROLL FILA BA NOTISIA

Nia hatete, pontu hirak ne’ebé ko’alia iha enkontru ne’e maka kona-ba difikuldade hirak ne’ebé enfrenta durante eleisaun, hodi nune’e eleisaun Parlamentár mai ne’e bele implementa ho di’ak liután.

Lee Mós:
CNE Mantein Expedito Sai Moderador ba Debate Entre Kandidatu PR

“Liu-liu ligadu ho ita nia sidadaun sira ou eleitór sira iha Rai Li’ur, atu nune’e sira hotu-hotu iha hanoin katak, sira mós tenke fó votu, tanba ita nia eleisaun votasaun la’ós obrigatóriu, ho ida ne’e presiza aprosimasaun hodi fasilita sira, atu nune’e sira bele la’o ho di’ak,” nia dehan.

Iha enkontru ne’e CNE mós ko’alia kona-ba  problema baze de dadus, presiza ona tenke halo limpeza ba baze de dadus ne’ebé mak kleur ona, no mós ba sistema gramátiku ne’ebé mak agora daudauk kuaze nasaun seluk halo, atu nune’e bele evita deskonfiansa ba eleitorál.

Lee Mós:
MAE Distribui Material Eletróniku ba Suku 452 iha Territóriu Nasionál

CNE diskute mós kona-ba pontu ne’ebé mak avansa sira, no liu-liu iha eleisaun prezidensiál ne’ebé mak foin lalais ne’e membru husi Comunidade dos Paises de Lingua Portugés (CPLP) sira kongratula Timoroan, tanba eleisaun ne’ebé la’o ho di’ak.

“Ita mós rona votasaun antisipada ne’ebé mak sira balu husi Angola, Portugal no Cabo-Verde, ne’e posibilidade boot ida ba Timoroan mós bele adopta buat balu ne’ebé mak di’ak ba ita nia Rai, hodi bele halo di’ak liu kualidade eleisaun iha Timor-Leste,” nia dehan.

Lee Mós:
Konsellu Ministru Ezonera José Luis Guterres no Foti Fali Arsenio Bano

Husi hasoru malu ne’e, Prezidente Repúblika enkoraja Órgaun Eleitorál CNE no STAE, atu bele serbisu ho di’ak, ho ida ne’e mós ba problema ruma ou kestaun ruma ne’ebé mak iha la kontribui ba Eleisaun ho kualidade, nune’e bele hadi’a.

 1,767 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PR Horta – CNE Ko’alia Preparasaun …” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: