DILI— Liu hosi julgamentu ne’ebé hala’o iha Tribunál Distritál Dili, Ohin, Juis Prezide Afonso Carmona, deside aplika medida koasaun Termu De Identidade Rezidénsia (TIR), ba suspeitu na’in tolu ne’ebé deskonfia komete krime Tráfiku Humanu.
Tribunal aplika medida koasaun ba suspeitu sira ne’e tanba juis konsidera krime refere laiha indísiu ne’ebé forte.
Tuir suspeitu sira nia defeza, Pedro Aparício, hatete, krime ne’ebé Ministériu Públiku dun ba sira na’in tolu ho krime tráfiku humanu.
Tanba nee iha alegasaun, parte sira husu atu tribunal aplika medida koasaun prizaun preventiva, maibé tanba faktu hatudu iha indísiu forte, tanba nee mak juis deside aplika ho media koasaun TIR.
Entretantu, kazu ne’e Tribunal Dili realiza julgamentu primeru interrogatóriu iha loron Sábadu (25/06), timoroan na’in tolu nee sira ho inisiál MV, JG ho HDS.
Arguidu sira hetan detensaun hosi Polisia nasionál Sientífiku Investigasaun Kriminál (PSIK), detein iha Kuarta (22/06), ho baze bá mandadu tribunal nian ne’ebé deskonfia envolve iha kazu tráfiku umanu hodi fasilita no haruka traballadora Timoroan na’in-hitu ne’ebé daudaun ne’e abandona hela iha sidade Abudabi, Uniaun Emiradu Árabe.
Audiénsia primeira interrogatóriu ne’e prezide hosi juis prosesu, Afonso Carmona, Ministériu Públiku (MP), reprezenta hosi Domingos Gouveia, no arguidu sira hetan asisténsia legál hosi defensór públiku, Humberto Alves no advogadu privadu Pedro Aparício.
3,296 total views, 3 views today
Bele hare Video Seluk :