PNUD-MAE Realiza Workshop Posibilidade Modelu Balkaun Úniku Ba TL

(Reportajen Estaziada Ermelinda Caet/Asistente Editor Hermenegildo Tilman)

Dili (Timor Post)—Programa Nasoins Unidas Dezenvolvimentu (PNUD) liu husi kooperasaun hamutuk ho Ministériu Administrasaun Estatál (MAE) hala’o Workshop kona-ba posibilidade modelu Balkaun úniku ba Timor Leste.

SCROLL FILA BA NOTISIA

“Ohin ha’u mai reprezentante Governu Timor-Leste serbisu hamutuk ho Programa Nasoins Unidas Dezenvolvimentu (PNUD) nian, hala’o workshop kona-ba Balkaun Úniku ne’ebe mak polítika Oitavu Governu Konstitusionál implementa no mós hakerek ona iha reforma Administrasaun publika hodi estabelese workshop balkaun Úniku iha Timor- Leste”, Ministru Administrasaun Estatál (MAE), Miguel Pereira de Carvalho hateten hafoin remata workshop iha Novo Turizmu, Sesta (17/06).

Lee Mós :

MAE Observa Progresu Fatin Konstrusaun Ateru Lixu Tibar

Nia hatete Ministériu Administrasaun Estatál (MAE) husu apoiu ba PNUD nian hodi nune’e bele halo viabilidade ida no kria Balkaun Úniku iha rai laran, tanba ne’e maka ohin ami hamutuk ho PNUD hodi diskute kona-ba Balkaun Úniku ne’e .

“Balkaun únika ida ne’e sai hanesan sentru ida ne’ebe sidadaun sira bele hetan asesu ba informasaun no servisu seluk iha nivel lokál hodi bele halo prestasaun serbisu públiku ba sidadaun tomak, hanesan atu rejistu hodi hetan kartaun eleitorál ne’e karik la presiza ba to’o Edifísiu, maibé ba diretamente iha Balkaun únika ne’ebe mak iha ona”.

Lee Mós :

Kritika Servisu Eleisaun, MAE Husu Hato’o Keixa

Entretantu reprezentante Programa Nasoins Unidas Dezenvolvimentu (PNUD), Munkhtuya Altangerel relata nu’udar parte husi Programa apoiu ba prosesu deskonsentrasaun no desentralizasaun iha Timor- Leste ne’ebe mak finansia husi uniaun Europeia, Governu Timor Leste entrega ba PNUD ba komisaun estudu viabilidade ba fatin sira iha munisípiu ne’ebe selesionadu atu harii Balkaun úniku ba.

Lee Mós :

Prevene Susuk Dengue Vítima Inséndiu Husu MS Fahe Moskiteiru

“Programa ida ne’e hanesan instrumentu forte ida hodi aumenta prestasaun servisu, ne’ebe transparénsia, igualdade, responsabilidade no hasae satisfasaun no konfiansa iha Administrasaun públiku”. (Lee Notísia Seluk Iha Jornál Timor Post/Asesu Notísia Iha You Tube Timor Post).

1,397 total views, 15 views today

Oinsa Ita nia Reaksaun iha Notisia Nee?