ADVERTISEMENT

Solenidade Loron Corpus Christi, Kardinál Virgílio Husu Sarani Hadomi Ambiente

Timor Post - Dili · Relijiaun
  • Share
Sarani Katólika iha Dili, komemora loron solenidade Corpus Christi, 16 Juñu 2022. Imajen TP/Ermelinda Caet.

Reportajen Estaziada Ermelinda Caet/Asistente Editor Hermenegildo Tilman.

Dili (Timor Post)—Sarani Katólika iha Dili, ohin komemora loron solenidade Corpus Christi, 16 Juñu 2022, depois tinan 2 coronavirus impoin lockdown, ohin bele fali selebra iha públiku hodi lori Kristu nia futar isin iha prosisaun.

ADVERTISEMENT
SCROLL FILA BA NOTISIA

Prosisaun hahú husi parókia Balide bá to’o Jardín Lesidere iha monumentu Imakulada Konseisaun nia oin.

Kardinál Virgílio da Silva SDB iha omilia ne’ebe liga ba ekolojia sita Papa Francisco nia ensíklika hodi konvida sarani sira ba atitude eukarístiku, agradese ba kriasaun ne’ebé Aman hakiak no entrega ba ema atu tau matan. “Iha Eukaristia mak buat hotu ne’ebé Maromak hakiak hetan ezaltasaun aas liu hotu. Grasa sai tanjivel bainhira Maromak rasik sai ema, sai paun ba nia kriatura sira”. Hateten Kardinál Virgílio do Carmo da Silva, SDB iha selebrasaun Eukaristia Corpus de Christi iha Monumentu Nossa Senhora Largo Lesidere, Kinta (16/06).

Lee Mós:
Tinan Ne'e Governu Sei Loke Vaga Hamutuk 866 ba Funsionáriu Públiku

Iha Komemorasaun ba Loron Corpus de Christi, ne’e mós Arsebispu, husu ba sarani sira iha territóriu tomak atu hadomi, kuidadu Ambiente no natureza ne’ebe mak Maromak fó ona mai ita ema hodi uza.

“Tanba dala barak egoízmu ita ema nian nia kaan-teen esplora no estraga kriasaun envezde kuidadu.  Atitude kuidadu hanesan hamoos no la soe lixu arbiru, sei lori benefísiu ba ema, selae sei akontese tan inundasaun hanesan 4 Abríl 2021, tanba ne’e mai ita hadomi no kuidadu Ambiente”.

Nia dehan, loron ohin ne’e importante tebes mai ita sarani hotu hodi hanoin no halo reflesaun kona-ba sakrifísiu Jesus nian ne’ebe mak oferese nia an mai ita hotu, tanba hadomi mundu ida to fó ninia aan nu’udar ai-han ba sarani tomak.

Lee Mós:
Governu Sei Konstrui Uma Kbiit Laek 4000 Hosi OJE Millaun 71

“Ida nee ita rona beibeik ona maibé buat ida ne’e ohin partikularmente no ha’u nia reflesaun ha’u konvida ita boot sira atu selebra loron Corpus de Christi hodi Liga ho tema Dioseze nian Kona-ba Eukaristia Ekolojia nian no Ambiente, atu nune’e reflete ita nia an hodi hadomi ambiente ne’e”, Kardinál Virgílio afirma.

Nia hatete, Na’i Jesus Kristu maski Maromak, maibé Nia hili asaun ne’ebe mak hanesan ita ema ne’e halo aan moris iha mundu ne’e no iha rai ida ne’e no moris iha ambiente ida ne’e han no hela iha mundu ne’e nian liuhusi buat sira ne’e mak moris enkarna nia aan no halo fatin santu ida ne’e sai lulik ho Santu.

“Ne’e duni Na’i Jesus Kristu foti paun ho trigu iha paun ne’e nakfila ba Jesus ninia isin hodi fó ita ema ida ne’e mak dehan se mak han Ha’u nia isin, se mak hemu Ha’u nia ran nia sei moris ba nafatin”, D. Virgílio apela.

Lee Mós:
PM Taur Lansa Fatuk Dahuluk Konstrusaun Postu UPF Mota Ain

Antes hakotu Kardinál Virgílio, konvida sarani katolik iha Timor laran, atu tau konxiénsia iha an eduka an kuidadu kriasaun nian, ba rona no hatán ba rai nia hakilar, tanba ohin loron mosu inundasaun, atitude esplorasaun, estragu tanba de’it ego ita nian ne’ebe mak lakohi respeita natureza, tanba ne’e iha solenidade Corpus de Christi ne’e mai ita halo reflesaun ba an hodi hadomi ita nia natureza ne’ebe mak agora sai mukit ba daudaun. Hakotu. (Lee Notísia Seluk Iha Jornál Timor Post/Asesu You Tube Timor Post).

 713 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Solenidade Loron Corpus Christi, Kardinál Virgí…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: