Estudante Enjeñaria UNTL 500 Resin Partisipa Orientasaun Akadémiku

(Reportajen Jose Caet/Editor Mateus da Cruz)

Hera (Timor Post)– Estudante foun tinan akadémiku 2022 hamutuk na’in 500 resin, hosi Fakuldade Enjeñaria Siénsia no Teknolojia, Universidade Nasionál Timor Lorosa’e (UNTL), ohin hahú partisipa orientasaun akadémiku.

SCROLL FILA BA NOTISIA

Estudante sira ne’e kompostu hosi departamentu eletróniku, tékniku sivíl, mekániku, tékniku jeolojia no tékniku informátika.

Prezidente Komisaun Organizadora Orientasaun hosi departamentu Jeolojia Petróleu, Ronaldo de Jesus Gomes, hatete orientasaun ida ne’e ho objetivu atu estudante sira bele hatene kona-ba misaun no vizaun universitáriu nian.

“Ohin, hala’o orientasaun, total estudante hosi fakuldade ida ne’e atus lima ne’ebé rejistu mós sei aumenta tan maizumenus na’in 20 iha etapa segundu, orientasaun ida ne’e atu lori ita nia alin estudante sira bele koñese misaun no vizaun universitáriu nian,” nia informa ba Timor Post iha kampus Hera, Kinta (07/04).

Lee Mós :

PN Simu Karta Hasai Imunidade Deputadu Arão Noe

Nia hatete, misaun no vizaun UNTL oinsá mak estudante foun hakbiit no halo amizade kle’an, hodi kompriende didi’ak lala’ok universitáriu nian, molok hahú prosesu aprendizajen.

**Estudante foun sira halo hela formatura hosi simu orientasaun**

Nia haktuir, orientasaun ne’e sei hala’o durante loron haat nia laran, hahú hosi kinta ohin no remata iha segunda ho misa iha Igreja Cathedral.

Lee Mós :

Governu Sei Transforma Atauru Ba Munisípiu Espesiál

Hafoin remata prosesu orientasaun, komisaun sei oferese matéria ba finalista sira, atu hakerek saida mak hetan iha orientasaun nia laran. Hakerek hotu relatóriu entrega ba komisaun orientasaun hodi kurisi mak foin bele entrega sertifikadu.

Tuir observasaun, iha atividade orientasaun ne’e komisaun hatuur regra ba estudante foun hahú orientasaun iha tuku neen dader, kontinua kedas ho formatura pasa revista ba sira ninia atributu orientasaun nian.

Material ne’ebé estudante sira lori maka Xapeu, tais no Bote. Iha tuku 8:00 Otl, kontinua ho hamoos eskola laran no areador eskola nian. Durante halo pasa revista ba finalista mak sira ninia atributu la kompletu, sei fó sansaun (kanta) ka alista sira nia naran hodi loron tuir mai bele kompleta atributu.

Lee Mós :

PNTL Sei Notifika Karreta Pezadu Sirkula La Tuir Oras

Durante loron haat mak atributu la kompleta nafatin, signifika la prienxe kritériu orientasaun no tinan oin bele tuir fila-fali. No sira ne’ebé atrazu, komisaun organizadora sei haruka halo traballu sientífiku. (Lee notisia seluk iha Timor Post/Asesu You Tube Timor post)

1,482 total views, 3 views today

Oinsa Ita nia Reaksaun iha Notisia Nee?