DILI- Xefe Departamentu Sinál no Tránzitu Diresaun Nasionál Transporte no Terrestre, João Eugénio da Silva, informa, daudaun ne’e Semáforu (Lampu Merah) iha rotunda Delta Komoro, Supermerkadu Lider nia oin funsiona hikas fali tanba empresta hela Kontroler hosi PT. Quimicon-Indonézia.
“Ida Delta (Supermerkadu Lider oin) ne’e momentu iha Dezembru ne’e at, agora funsiona hikas fali tanba ita empresta hela de’it ema nia kontroler, ita nian ne’ebé at entrega ba sira hadi’a, empresta fali sira nian hodi halo normal fali traffic light,” João hatete ba Timor Post iha nia servisu fatin DNTT-Balide, Dili, Kinta (06/02/2020).
Nia haktuir, kompañia Sangus mak ba empresta tanba nia mak halo parseiru ho PT. Quimicon-Indonézia tanba stock sira nian laiha. Bainhira kontroler hadi’a di’ak ona sei haruka fali sira nian.
Entretantu iha sorin seluk Diretor Kompañia Sangus Unipesoal Lda. ne’ebé mak manan tender no iha esperiensia tinan barak ona kona-ba traffic light, Pedro Dos Santos, Via Telemovel ba Timor Post, hato’o lia Hanesan Daudaun ne’e kompañia refere ninia Kontroler stock la iha hotu Nune’e ita tenke haruka fali ida neebé at hodi ba Hadi’a Fali iha Jogja-Indonezia.
“Kontroler ne’ebé mak agora ita iha ne’e Daudaun ne’e la iha hotu ona i foin Daudaun akontese udan boot ita rasik hare iha parte Delta ne’eba ahi mate dala hira fó impaktu ba kontroler hosi DNTT ninian keima rua dala ida,” Nia dehan.
Informa nia, momentu ami sempat troka fila fali iha parte seluk mai tau fila fali para kontinua nia bele lakan Maibé keima nafatin i foin Daudaun ami halo parseiru ho PT. Quimicon ha’u koalia ba Sira atu hodi ba manutensaun Kontroler ne’ebé mak agora Daudaun keima iha ita nian ne’e hamutuk Hat (4).
Nia dehan, Maibé ha’u husu ba Sira para fó ajuda Kontroler ida mai atu bele tau temporariamente hodi traffic light iha Lider Oin funsiona fali.
Afirma nia, ida agora sira fó empresta ne’e la selu más ida ita haruka ba manutensaun ne’e mak sei selu, ne’ebé sira hare ida ne’ebé mak at presiza atu Hadi’a entaun sira Hadi’a más antes sira Hadi’a sei fó hatene nia folin Nune’e ita bele selu tuir ida ne’ebé at la’ós dehan Hadi’a hotu mak fó folin mai lae antes nia atu hadi’a fó folin uluk mai aseita ba mak sira Komesa Hadi’a. (ato)
656 total views, 3 views today
Bele hare Video Seluk :
Subscribe to Timorpost
