Jornalista Jaime Pires / Editór Noémio Falcão
DILI (Timor Posta) — Sidadaun Xina na’in-ida taa nia maluk iha área Hudi-Laran, Dili, Tersa dader (12/10/2021). Motivu husi akontesimentu ne’e tanba sira hemu tua hamutuk lanu-karaoke maka derepente suspeitu lori kroat taa vítima.
Polísia to’o iha fatin akontesimentu kaptura kedas suspeitu lori ba detein iha sela no evakua vítima ba Hospitál Nacional Guido Valadares (HNGV) hodi hetan suku pontu sanulu-resin-tolu (13).
Komandante Polísia Munisípiu Dili, Superintendente Xefe Henrique da Costa haktuir, suspeitu detein iha sela detensaun Eskuadra Don Aleixo, Dili.
Nia hatutan, vítima hafoin ba halo tratamentu insentivu iha HNGV fila ona ba nia fatin.
“Ita nia parte investigasaun halo ona notifikasaun ho parte prokuradór atu nune’e prosesu ne’e bele ba to’o iha ministériu públiku atu nune’e bele la’o ho di’ak,” Komandante Henrique subliña.
639 total views, 3 views today
Bele hare Video Seluk :