ADVERTISEMENT

Padre Violanto Haloot iha Rezidénsia Jesúita

  • Share
Imajen ne’e hatudu frater na’in-10 kee no hada rai kuak nu’udar fatin ikus ba Padre Violanto nia deskansa ikus iha Rezidénsia Jesúita, Taibessi, Dili. Foto TP: Jaime Pires

Jornalista Jaime Pires / Editór Noémio Falcão

DILI (Timor Post)— Padre Violanto Soares SJ haloot iha rezidénsia Jesúita Taibessi, Postu Administritu Na’in Feto, Munisípiu Dili, iha loron 14/09/2021, tuku tolu lorokraik.

ADVERTISEMENT
SCROLL FILA BA NOTISIA

Padre Violanto husi kongregasaun Jesúita hakotu iis tanba deskonfia atakasaun fuan (atracação cardíaco) hafoin diriji misa iha Kapela Casa Gonzaga Jesúita, Perumnas, Dili, iha loron Segunda (13/09/2021) dader.

Tuir kronolojia ne’ebé haktuir husi família Padre Violanto katak, hafoin dirji misa, Padre foin túr atu matabisu iha kapela maka derepente de’it atakasaun no lori halai ba Klinika Fatumeta maibé la konsege salva.

Lee Mós:
PR Ho Kualidade Komandante Supremu Forsa Armada, Vizita Ofisiál Kuartel Jenerál F-FDTL

Durante preparasaun ba funerál, Padre Violanto nia isin mate tau iha Igreja Balide.

Padre Violanto Soares SJ

Padre Violanto iha Arkedioseze asume knaar nu’udar Responsavel ba Grupu Kategoriais Igreja nian, nu’udar Diretór Nasional de MEJ de Timor Leste no Diretór Nasional Apostolado da Oracao de Timor Leste.

Padre Violanto nu’udar Ainaro-oan, moris iha loron 04 Outubru 1964.

Durante moris, Padre Violanto konsege hasai kursu kona-ba Psikolojia iha STF Jakarta.

Lee Mós:
Traballadór 46 Asina Tan Kontratu Ba Austrália

Hafoin ne’e Padre Violanto hasai mos kursu Teologia iha Loyola School of  Theology iha Ateneo de Manila University. No Padre kontinua ba Pastorale Giovanile e Catechetica iha Universidade Pontificia Salesiana iha Roma.

Ho Padre Violanto nia mate, família no kolega sira hakfodak no sente lakon boot ida.

“Triste rona Amu Violanto fila ona ba Aman Maromak nian Kadunan Santu. Hatoo sentidu kondolénsia klean ba Família Jesuita ho família Amu Violanto. Deskansa ho hakmatek Amu. Sai reja na’in ba ami,” Eis Reitór DIT, Estanislau Saldanha públika iha nia pájina ofisiál Facebook.

Lee Mós:
Polísia Forensik Kontinua Investiga Motivu Valdo Tara An iha Merkadu Taibesi

Jesica Kawengian de Jesus ho triste fó adeus ba Padre Violanto nu’udar bibi atan di’ak ne’ebé husik mundu ne’e sedu liu.

 

“Boa viajen ba lalehan, Pe. Violanto, SJ. Bibi Atan Di’ak, Simples no Umilde,” Jesica hakerek iha nia pájina offisiál Facebook.

 251 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Padre Violanto Haloot iha Rezidénsia Jesúita” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: