ADVERTISEMENT

Governu atu Moderniza Portu Dili

- Dili
  • Share

DILI (Timor Post)—Konsellu Ministru análize fila fali planu dezenvolvimentu ba re-estruturasaun no modernizasaun Portu Dili nian ne’ebé hetan ona deliberasaun iha sorumutuk Konsellu Ministru iha loron 28 fulan-Jullu  2021.

Ministru Prezidénsia Konsellu Ministru, Fidelis Leite Magalhães, esplika Konsellu Ministru halo análize fali planu ne’e, tanba iha alterasaun balun iha faze redasaun finál nian, presiza submete fali ba deliberasaun foun.

ADVERTISEMENT
SCROLL FILA BA NOTISIA


“Planu ne’e horbainhira aprova tiha ona, maibé husi Prezidénsia Konsellu Ministru husu ba Ministru Transporte no Komunikasaun atu bele re-ajendamentu ohin, para redasaun ne’e seguru no legal liu, tanba ne’e mak ohin iha re-apresiasaun no aprovasaun projetu deliberasaun, nune’e dezenvolvimentu portu Dili bele la’o,” Fidelis informa hafoin remata reuniaun Konsellu Ministru, iha Ministériu Finansas, Kuarta (08/09).

Lee Mós :
Krime Partisipasaun Ekonomia, KAK Buka no Prende Dokumentu Kompañia Gráfika Pátria

Fidelis afirma, Konsellu Ministru manifesta ona ninia preferénsia hodi adota modalidade finansiamentu Parseria Públiku-Privada (PPP), atu dezenvolve tuir kuadru legál no regulamentu iha vigor.

Planu dezenvolvimentu ba reestruturasaun no modernizasaun Portu Dili nian, prevee katak hafoin transferénsia funsaun sira husi portu karga ba portu foun Tibar, sei halo ninia konversaun ba marina no portu kruzeiru sira.

Lee Mós :
Data Vizitasaun Santo Padre Francisco Mai TL Seidauk Fiksu

Tuir nia, ida-ne’e projetu importánsia nasionál, haree ba ninia lokalizasaun iha área estratéjika sentrál ida no importante iha sidade Dili. Ninia funsaun iha ligasaun marítima ba populasaun sira husi Oekusi- Ambenu no husi Ataúru, no ninia potensiál atu sai polu dinamizadór turizmu marítimu iha Timor-Leste.

Lee Mós :
PDHJ Sei Realiza Marsa Direitus Umanus

“Wainhira portu Tibar prontu, karga sira tula konteiner sei ba hotu iha ne’ebá, portu Dili sei uza hanesan fatin turizmu, no uza de’it ba portu tula ema ba objetivu turístiku sira, iha ne’ebá mós sei dezenvolve hanesan sentru ida ne’ebé mak sei bele dada bisnis sira,” Fidelis hatete. (jry)

 1,146 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu atu Moderniza Portu Dili” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No