ADVERTISEMENT

Ezekusaun OJE 2021 MSSI Atinje 46%

Timor Post - Dili · Ekonomia
  • Share
Primeira Vise Primeiru Ministru, atuál Ministra Solidariedade Sosiál no Inkluzaun (MSSI), Armanda Berta. (Foto Google)

DILI (Timor Post)—Primeira Vise Primeiru Ministru, atuál Ministra Solidariedade Sosiál no Inkluzaun (MSSI), Armanda Berta afirma ezekusaun orsamentu jerál estadu ()JE) 2021 iha ninia ministeriu atinje 46%.

“Ida ne’e kona-ba administrasaun nian, ha’u delega hela ba iha vise, maibé ita ezekuta ona 46%,” Armanda informa iha Palásiu Governu, Tersa (10/08).

ADVERTISEMENT
SCROLL FILA BA NOTISIA

Armanda hatete, osan sira ne’e ezekuta ba programa prioridade ministériu nian, ne’ebé hetan ona aprovasaun iha uma fukun Parlamentu Nasionál, hanesan Bolsa da Mae, Idozu no seluk tan.

“Ha’u garante ezekusaun sei la’o di’ak, foin daudaun ne’e ezekusaun ki’ik, tanba orsamentu boot iha bolsa da mãe, entaun agora prosesu ne’e la’o hela, se ida ne’e mak la’o ona ezekusaun bele as, depois haree mós ba iha kapitál dezenvolvimentu, ida ne’e mós nia prosesu la’o hela,” Armanda afirma.

Lee Mós:
MSSI Prepara Kaixaun Ba Ema Kbiit Laek

Portantu, antes ne’e Reitór Universidade da Paz (UNPAZ), Adolmando Soares Amaral, hatete ezekusaun orsamentu iha MSSI ki’ik tanba inkapasidade husi lideransa másimu iha ministériu refere.

“Ita bele dehan, dala ruma tanba kapasidade lideransa másimu iha ministériu ida ne’e”, Adolmando informa asuntu ne’e ba jornalista sira iha nia knar fatin Manleuana, Kinta (05/08).

Tuir nia, laiha razaun ba MSSI ninia ezekusaun ki’ik, tanba sistema iha ministériu refere estabelesidu hotu ona dezde kedan Governu sira anterior, hanesan apoiu subsídiu bolsa mãe, idozu no seluk tan.

“Tanba sira ne’e iha ona sistema, sistema ne’e estabelese ba tinan naruk ona, hein de’it orsamentu aloka ba, ne’ebé Ministériu Sosiál ne’e la halo polítika foun, tanba sistema estabelese kedan husi Governu anterior sira, nia hein de’it halo transferénsia ba iha sistema sira ne’e, para depois ema bele ezekuta ba kraik. Ba Ministériu sira seluk tarde sim, tanba sira halo programa foun depois sei lori ba diskute,” Adolmando dehan.

Lee Mós:
Bosok Trata Dokumentu MSSI, PNTL Detein Suspeitu Na'in-2

Entretantu, tuir komunikadu ne’ebé jornalista asesu iha segunda (05/07) liubá, ezekusaun iha liña ministériu balun ne’ebé mak ninia taxa ezekusaun reál di’ak tebes hanesan Ministériu Petróleu no Minerál (47%), Ministériu Asuntu Kombatentes no Libertasaun Nasionál (46%), Ministériu Obras Públikas (44%), Ministériu Interiór (37%) no Ministériu Administrasaun Estatál (36%). Maioria ezekusaun hirak ne’e aas iha transferénsia públiku. Porezemplu, transferénsia públiku ne’ebé Ministériu hirak ne’e halo ba empreza públiku sira ne’ebé mak tutela ba iha liña ministériu relevante.

Lee Mós:
Deskonfia Diretór Balun Simu Subsídiu 200 USD

Setór Turizmu no Agrikultura ne’ebé konsidera hanesan setór ne’ebé mak importante tebes atu bele fó empregu no jere kresimentu ekonomia rai-laran, ninia taxa ezekusaun reál to’o iha 30 Juñu 2021, foin mak atinji 17% (MTCI husi orsamentu alokadu millaun $11,2), no MAP 16% husi orsamentu alokadu millaun $29,4). Taxa ezekusaun iha liña ministériu ki’ik liu mak Ministériu Solidariedade Sosiál no Inkluzaun ne’ebé foin mak atinji 9% husi orsamentu alokadu millaun $19,9. (jry)

 341 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ezekusaun OJE 2021 MSSI Atinje 46%” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: