DILI (Timor Post) —Iha situasaun Estadu Emerjénsia (EE), Klínika Bairru Pité (KBP) halo atendimentu ba pasiente ho moras HIV/SIDA.
“Iha situasaun serka sanitaria no estadu emerjénsia halo transporte hotu la halo movimentu, maibé ami nia pesoál saúde sira nafatin tama servisu halo atendimentu ba pasiente ho moras HIV/SIDA hodi hetan re koopera lalais”, dehan Xefe Administrasaun KBP, Lino Alvaro, ba Timor Post iha nia knaar fatin, Kuarta (21/07).
Nia hateten, durante SS no EE difikuldade ne’ebé sira hasoru mak laiha laboratóriu atu halo teste ba swab nian, iha difikuldade ida tan kona-ba oksijéniu no mós problema ida kona-ba ekipamentu sala maternidade nian.
“Durante iha situasaun estadu emerjénsia ami iha hela ai moruk ne’ebé sufisiente, depois ne’e ami mós hetan ai moruk mai hosi SAMES, tanba ami halo parseiru ho sira, tanba ne’e mak ai moruk karik menus uitoan ami halo pedidu ba sira hodi haruka ai moruk mai atu nune’e ami mantein nafatin halo atendimentu ba iha pasiente sira”, nia hakotu.(pj16)
1,093 total views, 3 views today
Bele hare Video Seluk :