(Reportájen Florindo Coluna/Editor Suzana Cardoso)
DILI (Timor Post) – Atu hatene lolo’os kondisaun saúde funsionariu Tribunál Distritál Dili (TDD) nian durante implementasaun Serka Sanitària (Sersan) ne’ebé sempre realiza julgamentu, hamutuk funsionariu nain 70 tuir teste swab.
“Ohin ne’e ekipa saúde mai halo teste swab ba ami nia juis, ofisiàl justisa, funsionarius, seguransa no cleaner para hatene balu keta iha ona virus. Tanba durante Sersan TDD sempre halo julgamentu ho ema mai hosi fatin oin-oin.”
Lia fuan hirak ne’e hateten hosi, Juis Administradór TDD, Afonso Carmona ba Timor Post iha nia servisu fatin, Sesta, (30/04/2021).
Tuir observasaun Timor Post, ekipa saúde too iha TDD maizu menus tuku 10:00 OTL. Antes halo swab, ekipa saúde observa uluk fatin iha sala audénsia ida ne’ebé jerente TDD oferese. Liu minutu balun funsionariu sira forma hodi hakat ba rejistu hafoin tuir teste swab.
Juis Afonso hateten, teste swab ne’e importante para hatene kondisaun funsionariu sira ba Covid-19 nia daet. Funsionariu sira aliende hasoru ema hosi fatin oioin, sira mós hasoru ho ema seluktan durante viajen no halo atividade kuandu fila ba sira nia hela fatin. Nune’e presiza teste swab ho voluntariamente.
“Sira ne’ebé tuir teste swab ne’e mai hosi; ofisiàl justisa na’in 44, kondutor na’in 3, juis na’in 16, tradutór 4, cleander 2 no seguransa na’in 1. Total hamutuk nain 70. Hotu-hotu ne’ebé tuir teste swab ne’e laran luak ba rezultadu teste para halo tuir protokolu saúde nian,” dehan juis Afonso. (Lee notisia seluk iha jornál Timor Post)
807 total views, 3 views today
Bele hare Video Seluk :