ADVERTISEMENT

Governu Halibur Membru Arte Marisal Limpeza Dili

Timor Post - Dili
  • Share

Timor Post (08/04/2021)—Governu liuhusi Sekretáriu Estadu Juventude no Desportu (SEJD), Abrão Saldanha halibur membru arte marsial sira hodi halo limpeza iha bairro sira iha Dili laran ne’ebé afeta inundasaun hafoin udan ho ann boot iha loron 04/04/2021.

Arte marsiál sira ne’ebé kumpri orientasaun governu nian ne’e inklui PSHT, IKS, KORK no arte ritual “77”.

Observasaun Timor Post haktuir, hafoin halibur malu iha edefísiu SEJD, membru sira iha Bidau Lecidere to’o Bidau Toko-Baru.

“Atividade ne’e naran posku asaun juventude nia haree ba ita nia rai hasoru problema boot dezastre naturais,” Abrão haktuir ba Jornalista sira bainhira halibur membru arte marsiál sira iha edefísiu SEJD, Lesidere, Dili, Kinta (08/04/2021).

Kona-ba limpeza iha Dili laran hafoin inundasaun, Líder Nasionál Kayrala Xanana Gusmão tún direta ba fatin afetadu sira no orienta kedas ekipamentu pezadus husi kompañia nasionál sira hodi normaliza mota no bee ne’ebé halai tún husi foho lolon sira.

Governu liuhusi Ministériu Obras Públika (MOP) mós hala’o kedas intervensaun.

Apoiu umanitária hala’o husi timoroan sira inklui Líder Nasionál Marí Alkatiri.

Inundasaun iha loron ne’e iha Timor laran konsege hamate timoroan kuaze 50, estraga uma no hamate animal sira.

Autoridade kompetente kontinua rekolla dadus husi vítima sira.

Jornalista Jaime Pires

Editór Noémio Falcão

 552 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu Halibur Membru Arte Marisal Limpeza Dili” A few seconds ago

Lee Mós :
Suku Motaél halo levantamentu dadus

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No