Timor Post (16/02/2021)- Komandu Polisia Nasionál Timor-Leste (PNTL) Munisípiu Dili detein autór produsaun kupon BETFOR falsu (14/02) inklui evidénsia kriminál seluk besik Aeroportu Nicolau Lobato-Dili iha loron domin (14/02).
“Operasaun ne’ebé mak servisu investigasaun kriminál no servisu informasaun munisípiu Dili halo, kaptura suspeitu ho identidade EMCF ne’ebé komete krime rua, ida mak krime falsifikasaun dokumentu, no esplorasaun ba jogu indisitiu, tanba produs ilegál depois ba hala’o jogu indisitiu ba jogu SDSB nian. PNTL kaptura suspeitu ne’e iha loron (14/02), iha area Postu Administrativu Dom Aleixo Nia besik Aeroportu Nicolau Lobato, ho evidénsia dokumentu falsifikasaun “, Segundu Komandante Munisípiu Dili, Superintendente Xefe, Euclides Belo, relata hosi konferénsia imprensa iha Kaikoli, Tersa (16/02).
Euclides esplika autór falsifika dokumentu sira ho tipu mak hanesan kupon BETFOR, ho nia kuantidade hamutuk (1.217), polisia sita mós Laptop marka Lenovo ida, mákina Printer tolu ho marka Canon, mákina tesi sura tahan rua, iha mós kupon tahan (73), tinta masa kór kinur (7), iha mós goma Weber masa ida, grava (4) no karrega (5) ne’ebé utiliza hodi produs kupon falsu sira ne’e.
Autoridade seguransa ne’e dehan suspeitu oras ne’e detein ona iha sela detensaun munisípiu Dili tanba konstitui hanesan detidu ho númeru rejistu kriminál 0080/21 DI CMR.
Jornalista : Jaime Pires
Editor : Mariano Martins
664 total views, 3 views today
Oinsa Ita nia Reaksaun iha Notisia Nee?
Bele hare Video Seluk :
Sorry, there was a YouTube error.