ADVERTISEMENT

Ahi Hán Nélio Restaurante, Celestino: Deskonfia iha Motivu Rua

Timor Post - Dili
  • Share

DILI—Iha loron Segunda (23/12/2019) maizumenus oras, tuku 10:30 akontese insendiu ka ahi háan Nélio Restaurante ne’ebé lokal iha Aldeia Metiaut, Suku Bidau, Postu Administrativu Kristu Rei, Dili.

Uma ba restaurante ne’e governu dahaat liuhusi Ministériu Turizmu Komérsiu no Indústria (MTKI) maka harii no fó aluga ba timoroan sira loke restaurante no hala’o atividade negósiu seluk.

ADVERTISEMENT
SCROLL FILA BA NOTISIA


Nain ba restaurante ne’e, Celestino Manuel Ximenes, haktuir, derepente de’it ahi lakan maka’as ona no nia rasik la hatene ahi hahú hán husi parte ne’ebé, maibé nia paprte deskonfia iha motivu rua, ida bele tanba sirkuitu eletrisidade  no bele mós taba lilin ne’ebé sira sunu hela iha oratóriu.

Lee Mós :
Atleta Hosi Federasaun Natasaun Kontinua Treinu

“Deskomfia ne’e iha buat rua, ida sirkuitu eletrisidade no ida lilin ne’ebé sunu iha oratóriu,” Celestino ba Timor Post iha fatin akontesimentu.

“Triste maibé ida ne’e mak realidade, ita tenke simu realidade ne’ebé mosu,” nia hatutan.

Celestino dehan, instalasaun eletrisidade iha restaurant ne’e hahú kedas iha tinan 2006. Nune’e, tuir nia, fiu tuan ona maka bele mós mosu sirkuitu.

Nia haktuir, ho akontesimentu ne’e rejulta sasan hotu iha restaurant laran la aprovita, inklui zeleira, armáriu bikan, kanuru no sasan dapur seluk.

Lee Mós :
Horta : Ha’u Fiar-An Manán Iha Rounde Primeiru

“Restaurante ne’e fatin ida ne’ebé ema aluga hodi halo festa entaun sasan hanesan zeleira, bikan, kanuru no sasan dapur nian la salva hotu no sasan sira ne’e 20 mil ital dolar,” Celestino hatete.

Tuir observasaun Jornalista Timor Post iha fatin akontesimentu haktuir, laiha ema ruma mak hetan kanek.

Entretantu Komandante Daruak Bombeiru Timor Leste, Hermenegildo Lobato, hatete, nia parte rona informasaun, nia organiza kedas ekipa hotu tun ba terrenu.

“Ami rona informasaun diretamente husi restaurante nain, señor nee ba diretamente iha kantor. Ho ida ne’e bombeiru halo kedas atuasaun antes too iha ne’e ahi han tiha ona, husi ami nia esforsu konsege halo duni kombate,” nia haktuir.

Lee Mós :
Votu Fretilin Sa’e iha RAEOA Laiha Signifikativu

Polísia halo hela investigasaun ba akontesimentu ne’e hodi hatene motive lolo’os.

Semana hirak liu ba akontesimentu hanesan, ahi hán kioske sira iha eis merkadu Komor, ahi hán edefísiu Western Union no Oppo nia kotuk, iha Kolmera. No iha fulan hirak liu baa hi hán motuk merkadu Likisá. (mj3)

 874 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ahi Hán Nélio Restaurante, Celestino: Deskonfia…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No