Bobonaro (Timor Post) – Sekretáriu Jerál FRETILIN, Mari Bin Amudi Alkatiri, hala’o festeju ba inagurasaun Agua da Vida iha Suku Holsa, Postu Administrativu Maliana, Munisípiu Bobonaro.
Serva do Espirito Santo (SSPS), nu’udar Fundasaun Orfonatu ho totál labarik nain ruanulu-resin-sia (29) no Madre nain tolu (3), lokaliza iha suku Holsa.
Iha loron Domingu ne’e hetan vizita husi Sekretáriu Jerál FRETILIN, Mari Alkatiri akompaña husi Vise Prezidente FRETILIN, Aniceto Longuinhos Guterres, Sekretariu Jerál Adjuntu, José dos Reis no komitiva membru CCF Munisípiu Bobonaro tomak.
“Ha’u mai ho objetivu atu fahe ho espiritu solidaridade sosiál, hanesan sidadaun ida, bele fó suporta malu, liuhosi dalan ne’ebé ita bele atu ajuda malu,” dehan Alkatiri, hafoin halo inagurasaun ba Agua da Vida iha Suku Holsa, Domingu (28/08).
Tuir Prezensa Sekretáriu Jerál no komitiva ne’e hodi halo Inagurasaun ba Be’e matan Agua da Vida, nu’udar sobrevivente no mós nu’udar asaun sosiál husi partidu istóriku Frente Revolusionáriu Timor-Leste Independente.
Objetivu husi vizita ne’e hanesan kontinuasaun husi vizita inisiu Prezidente Lú-Olo nian ne’ebé simu preokupasaun husi Fundasaun nian katak sira presiza liu mak Bee tanba nesesidade báziku liu iha moris loron-loron nian.
Nia dehan, iha elementu tolu (3), mak importante liu iha vida moris nian mak Rai, Be’e no Ahi, ne’e hahú kedas husi beiala sira-nia tempu, tanba ne’e asaun ida ne’e koerente liubá ema umanu nia vida diaria.
Konsistente ho programa FRETILIN nian hahú agora hodi fó naroman ba povu Timoroan tomak, liuhusi asaun ida ne’e populasaun hosi suku Holsa sente kontente, tanba bele fó roman ba Povu no sidadaun nia moris.
“Promesa ne’ebe durante Prezidente FRETILIN, Francisco Guterres Lú Olo, deklara ba Madre sira iha Suku Holsa, durante sei iha nia mandatu, daudaun ne’e atinje ona, tanba ne’e hanesan sidadaun iha sosiedade, liuliu labarik orfonatu sira iha suku Holsa, prometa Prezidente nian ohin ita realiza,” nia hakotu.
1,758 total views, 6 views today
Bele hare Video Seluk :