(Reportajen Jaime Pires/Hermenegildo da C. Pinto/Editor Mateus da Cruz)
DILI (Timor Post)- Kandidatu Prezidente Repúblika ho númeru sorteiu (2), Francisco Guterres Lú Olo, manán iha Suku Uacala, Postu Administrativu Baguia Munisípiu Baukau, ho votu 155.
Enkuantu iha suku Uacala ne’e hamutuk Aldeia Haat, mak hanesan, Baboru, Baiafa, Betumutu no Uacala, loke sentru votasaun hamutuk Rua, mak hanesan, Uacala no Betumutu.
Hafoin votasaun, iha sentru votasaun rua ne’e Lú Olo manán ho totál votu hamutuk 155, no José Ramos Horta hetan votus (72).
Iha sentru votasaun Uacala, Kandidatu Prezidente Repúblika ho númeru sorteiu (1) ne’e manán ho votus-102 no sentru votasaun Betumutu manán mihis ho votus (53).
Nune’e mós Kandidatu Prezidente Repúblika ho númeru sorteiu (2), José Ramos Horta, iha sentru votasaun Uacala hetan votu 27, no iha sentru votasaun Betumutu (47).
Iha sentru votasaun rua iha suku Uacala ne’e, loke iha tuku hitu dader, to’o tuku tolu loraik la’o ho di’ak, tanba hetan seguransa masimu husi PNTL, no Brigada, inklui observasdo no Fiskais husi kandidatu na’in rua nia.
Horta Vense iha Klakuk
Entretantu, hafoin prosesu votasaun iha iha sentru votasaun Klakuk remata iha tuku 2 ho balun, no kontinua tama kedas ho votasaun, iha rezultadu votasaun ne’e kandidatu ho numeru sorteiu 1, José Manuel Ramos Horta maka manan.
Tuir observasaun Timor Post iha terrenu nota hela katak rezultadu husi loron ohin nian ba kandidatu númeru sorteiu ida ho total valor votu 891, no kandidatu ho númeru sorteiu rua Francisco Guterres Lú Olo hetan ho total votu 456.
Aliansa da Costa hanesan sasin ba kontajen de votu iha suku Klakuk ,hatete, prosesu kontajen de votu ne’e la’o normal, tanba hetan seguransa másimu husi Polísia Nasionál Timor Leste, Autoridade Lokál no Komunidade suku Klakuk rasik.Entretantu iha rezultadu ne’e laiha votu nulu.(Lee Notisia Seluk iha Jornal Timor post/Asesu You Tube Timor Post)
1,042 total views, 6 views today
Bele hare Video Seluk :
Subscribe to Timorpost
