ADVERTISEMENT

Aldeia Haat iha Suku Soba Sei Uza Lamparina

  • Share
Pesoál Apoiu Administrasaun Suku (PAAS), Amaro da Costa. Foto TP/Caetano Guterres

Jornalista Caetano Guterres / Editór Noémio Falcão

LAGA (Timor Post)—Aldeia haat iha Suku Soba, Postu Administrativu Laga, Munisípiu Baukau, durante tempu okupasaun to’o agora seidauk assesu liña eletrisidade. Nune’e, populasaun sira sei uza lamparina.

ADVERTISEMENT
SCROLL FILA BA NOTISIA

Suku Soba iha aldeia neen, maibé aldeia rua assesu ona eleitrisidade. Inkuantu aldeia haat seluk hanesan Asanunu, Pateliru, Boleha no Laikua iha tempu kalan uza lamparina sira mak hanesan lilin, kamii no mina rai.

Lee Mós:
Horta Promete Sei Hatún Tasa Eletrisidade ba Setór Privadu

Pesoál Apoiu Administrasaun Suku (PAAS), Amaro da Costa reprejenta Xefe Suku Soba ba Timor Post, Segunda (20/09/2021) iha Sede Aldeia Boleha hatete, situasaun ne’e difikulta tebes estudante sira estuda iha tempu kalan.

“Ami nia komunidade suku Soba, aldeia haat parte leten infrenta kona-ba eletrisidade tanba hahú Ita ukun-an besik tinan rua nulu ona maibé kontinua la hetan liña eletrisidade,” Amaro lamenta.

Iha tempu hanesan, estudante síklu daruak, iha Ensinu Báziku Cesto Ano Boleha, Laurentino Francisco da Costa hatete, hanesan estudante sente triste.

Lee Mós:
Bee Matan Lelalai Maran

“Ami labarik husi aldeia ida ne’e hanesan iha deskriminasaun tanba kala-kalan ami nia inan aman sosa mina rai, lilin kada bes osan la iha ona tuku kamii tau hamutuk ho kabas rahun fai halo dodok foin komu ho kesak depois sunu kompara ho ami nia maluk labarik sira husi suku no aldeia seluk,” dehan Laurentino

Entretantu, komunidade Auria da Costa Pereira hatete, hanesan Inan nia triste.

Lee Mós:
Polísia Tiru Joven Na’in-Rua iha Baukau, Defeza La Simu Desizaun Tribunál

“Ha’u hanesan inan ida triste hare oan sira. Iha suku barak hetan eletrisidade maibé ami nia suku ne’e aldeia hat kedas la hetan”, dehan Auria.

Observasaun jornalista Timor Post iha aldeia Boleha nota, bainhira populasaun sira hakarak karrega telefone tenke halai ba Laga villa no balun ba viziñu sira ne’ebé iha painel solár. (Lee notisia seluk iha Jornal Timor Post)

 205 total views,  3 views today

  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: