DILI (timorpost.com) – Relasiona ho Planu Prezidente Repúblika (PR), José Ramos Horta, nian ne’ebé atu loke Festivál Múzika Kultura iha Atauro ne’e, difikulta ba trasporte ka Ró ba pasajeirus sira atu ba partispa.
Tanba dadaun ne’e iha de’it Ró Ahi rua mak halo movimentu, maibé ida seluk halai de’it ba Oé-kusi, tanba atraka iha Ponte-Kais iha Atauro ladi’ak, entaun iha de’it Ró ida mak bele halo movimentu ka tula pasajeirus sira ba Atauro.
Enkuantu Ró Ahi rua ne’ebé daudaun halo movimentu mak, Berlín Ramelau no Sukses, maibé Sukses de’it mak bele ba Ataúro, enkuantu Berlín Ramelau labele ba Ataúro tanba labele atraka iha Ponte-kais Ataúro.
Tuir loloos Timor-Leste iha Ró Ahi tolu no rua mak bele tula pasajeirus sira ba Ataúru, maibé daudaun ne’e Ró Ahi Nakroman, sei ba halo manutensaun iha Indonézia to’o agora seidauk fila mai Timor-Leste.
Hatán ba ida ne’e, Ministru Transporte no Komunikasaun (MTK), José Agustinho da Silva, dehan sei buka meius hotu, oinsá bele tula pasajeirus sira kuandu Festivál Kultura ne’e hahú.
“Ita iha Ró Rua maibé Berlín Ramelau labele ba Ataúro tanba kondisaun Poetu iha Atauro la sufisiente, maibé Ró Suksesu bele responde ba ida ne’e, tanba ita-nia kondisaun mak hanesan ne’e ita sei buka meius hotu,” dehan Ministru Transporte no Komunikasaun (MTK), José Agustinho da Silva, iha Palásiu Governu, Kinta (20/10).
Nia aumenta, maski ema barak mak sei ba partispa iha Festivál Kultura iha Atauro, maibé kondisaun mak nune’e, tanba Governu iha Ró Ahi tolu, maibé ida ba halo manutensaun ida seluk labele ba Atraka iha Ataúro no hela ida de’it, entaun kondisaun mak hanesan ne’e.
“Tanba ita uluk kondisaun laiha liu, entaun Governu deside aluga Ró, mosu fali polémika, maibé Ró sira iha ne’e bele uza hotu, kuandu atividade ne’e hahú, tanba ne’e meius hotu-hotu sei bele uza, importante mak ita-nia autoridade marítima tenke halo verifikasaun ho no iha duni verifikasaun,” nia hakotu.
Fó hanoin fali katak, atividade Festivál Múzika Kultura iha Ataúro ne’e sei realiza iha loron 21 to’o loron 24 fulan Novembru tinan 2022 ne’e.
2,394 total views, 6 views today
Bele hare Video Seluk :
Subscribe to Timorpost
