(Reportajen Cardenio Alves/Hermenegildo da Costa Tilman)
Aileu (Timor Post)—Centro Estudo Para a Paz Dezenvolvimento, (Sigla-Portugés CEPAD), implementa programa inisiativa liberdade ba asesu informasaun ba Komunidade Munisípiu Aileu hodi promove komunidade nia komprensaun diak ba oinsá asesu informasaun ne’ebe mak kredibel hodi hafoun boa-governasaun ba estadu Timor Leste.
Sentru Estudu ba Pas no Dezenvolvimentu (CEPAD) nu’udar organizasaun Timor-oan ho vizaun ida katak Timor-Leste hanesan nasaun ida ne’ebe mak livre husi konflitu no iha transparénsia, integridade no a kontabilidade iha prosesu dezenvolvimentu nasionál,
“Liu husi diálogu permanente no atividade peskiza partisipatoriu iha vizaun ne’e, CEPAD hala’o programa lubuk ida ona hahú husi tinan 2007 to’o 2022” dehan Diretór Ezekutivu CEPAD, Joao Boavida iha nia diskursu, Sesta, (17/06).
Tuir Prezidente ne’e hatete, durante ne’e CEPAD halo programa mak kona-ba ‘Boa Governasaun’ no daudaun ne’e ho finansiamentu husi Uniaun Europeia, tanba CEPAD implementa hela programa ba reforsa a kontabilidade Governu nian ba Covid-19 liu husi Promove liberdade no asesu ba informasaun iha Timor-Leste.
Alvu husi programa ne’e rasik mak atu promove no hakbiit kofiansamentu sidadaun nian liu-liu feto sira kona-ba sira nia direitu atu husu no asesu informasaun ba Instituisaun estadu relevante hodi hakbiit sira nian moris liu husi asesu ba fasilidade saúde, edukasaun no rekursu umanu oin-oin ne’ebe mak iha. Nia dehan.
“Husi programa seluk tan mak relevante iha sosiedade sira atu fasilita diak liu tan ba ita nia sidadaun sira, ami hamosu mós manual ida, hodi ajuda sidadaun sira oinsá bele asesu ba informasaun públiku husi instituisaun estadu hotu” Nia subliña
Husi partisipante sira ne’ebe tuir eventu lansamentu ba Manual Liberdade Asesu Informasaun ba sidadaun, reprezentante husi Uniaun Europa, Segundu Komandante PNTL Aileu, Autoridade Lokál Xefe Suku no mós komunidade Aileu rasik.
Iha parte hanesan Administradór Munisípiu Aileu, Abel da Conceição hatete, sente kontente tanba CEPAD, ohin bele mai hamutuk ho ami komunidade Aileu hodi halo lansamentu ba Liberdade Asesu Informasaun no reforsa akontabilidade.
“Ami Orgullu boot ba CEPAD, tanba bele implementa ona programa kona-ba reforsa a kontabilidade Governu nian, husi Promove Liberdade no Asesu ba informasaun iha Timor-Leste,. Ida ne’e faze diak ida hodi eduka ita nia komunidade oinsá mak bele asesu ba programa estadu nian”. Nia dehan.
Administradór Abel haktuir, Liberdade Asesu Informasaun ba sidadaun, signifika katak ita iha direitu atu hatene kualkér informasaun saida de’it mak akontese iha rai doben ne’e.
Iha Fatin hanesan, Komunidade ho pozisaun Feto, Felizarda Carlos de Jesus, ne’ebe tuir partisipa iha serimónia ne’e haktuir hanesan pesoál sente kontente tebe-tebes tanba bele fahe informasaun diak mai ami, oinsá bele hatene diak liu tan ba lansamentu nova jerasaun hodi asesu ba Informasaun ho direitu liberdade tomak, iha Munisípiu Aileu, no mós ba Munisípiu sira seluk, liu-liu iha nasaun TL.
“Asesu informasaun ba liberdade, ne’e parte ida importante, atu bele foti desizaun ho konfidensiálidade, tanba papel importante tebes hodi hasae Kualidade ba direitu demokrasia iha Timor Leste. Hakotu (Lee Notísia Seluk Iha Jornál Timor Post/Asesu You Tube Timor Post)
1,865 total views, 6 views today
Bele hare Video Seluk :
Subscribe to Timorpost
