ADVERTISEMENT

Deputadu Sira Prejudika Funsionamentu Instituisaun KAK

Augusto Sarmento - Justisa
  • Share
Korrupsaun

DILI (Timorpost.com), Organizasaun Noun Governamentál Judicial System Monitoring Program (JSMP) lamenta ho aktu husi deputadu balun nian, neebé mak la marka prezensa iha plenária hodi hili komisáriu foun instituisaun Komisaun Anti Korrupsaun (KAK) nian.

Diretora Ezekutiva JSMP, Ana Paula Marçal, konsidera hahalok husi deputadu sira-nia nee, prejudika ba funsionamentu KAK nian, tanba kazu barak mak sei abandona.

ADVERTISEMENT
SCROLL FILA BA NOTISIA


“Deputadu sira nia prezensa la tuir plenária nee, direitu ida ba deputadu sira, maibé tuir ami nia haree sei prejudika tebes ba funsionamentu KAK no kazu barak mak sei abandona, tanba komisáriu atuál nia mandatu remata ona iha fulan hira liubá”, Ana Paula informa ba Timor Post, iha knaar fatin Kolmera, Kinta (02/03).

Lee Mós :
PNTL Sadik Membru GAM “Tuku Malu”

Nia dehan, JSMP lakohi ida nee atu akontese, tanba antes nee JSMP mós koalia ona, inklui hakerek ona pareser ida ba Parlamentu Nasionál, atu haree ba ida nee.

“Ita la kohi atu akontese ida nee, tanba nee antes ami koalia ona, ami mós hakerek ona pareser ida, atu haree ba ida nee, maibé ami haree ba iha prosesu rekrutamentu, ita labele hanesan uluk, para nomeia naran ema ida ba komisáriu,depois deputadu sira vota, ema nee sai ona komisáriu KAK”, nia lamenta.

Lee Mós :
Australia Autoriza Timoroan Uza Pasaporte Mate

Tuir nia, ligadu ho nomeiasaun nee, JSMP husu ba Governu, antes atu propoin ema ruma ba Konsellu Ministru, tenke hari no haree lai komisaun eventual ida para liu husi rekrutamentu, nunee bele hatene ema ida neebé mak iha kapasidade, hodi assume pasta komisáriu nee.

“Ita labele nomeia deit, tanba nee ami nia hanoin hakarak akontese ona ida nee, tenke liu husi rekrutamentu, atu nunee iha kompete no selesaun liu ema nain-ida, labele nain ida deit”, nia preokupa.

Molok hakotu, Diretora Ezekutiva JSMP nee dehan, tuir rejimentu no gravidade husi aktu deputadu sira nian nee, katak bainhira deputadu sira la marka prezensa, sansaun mak sira tenke lakon sira nia mandatu.

Lee Mós :
Atendementu Lentu AJAR Husu MJ ‘Tebe Sai’ Funsionariu Broker

“dala hira mak sira la marka prezensa iha plenária, nee sei hetan sansaun hanesan lakon sira mandatu nee, tanba iha sira nia rejimentu nee iha, maibé beibeik la tama sein justifikasaun, nee nia gravidade la hanesan”.  Nia subliña.

 766 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Deputadu Sira Prejudika Funsionamentu Instituis…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No